Ontploffing in die Beiroet-hawe in 2020
![](http://upload.wikimedia.org/wikipedia/af/thumb/2/26/BeiroetOntploffing2020Kaart.jpg/220px-BeiroetOntploffing2020Kaart.jpg)
Op 4 Augustus 2020 het ‘n brand en verskeie ontploffings gevolg deur ‘n reuse ontploffing in die Beiroethawe in Libanon plaasgevind.[1][2][3] Ten minste 207 mense is dood, en meer as 6 500 beseer. Marwan Abboud, goewerneur van Beiroet, het geraam dat tot 300 000 mense haweloos gelaat is deur die ontploffings.
Die ontploffing hou verband met ongeveer 2 750 ton ammoniumnitraat wat deur die regering gekonfiskeer is van die verlate skip MV Rhosus en ses jaar lank sonder behoorlike veiligheidsmaatreëls in die hawe geberg is. Die ontploffing is as 'n seismologiese gebeurtenis van die grootte 3.3 op die Richterskaal aangeteken deur die Verenigde State se geologiese opname-instelling (United States Geological Survey).
Die Libanese regering het 'n noodtoestand van twee weke afgekondig in reaksie op die ramp. In die nasleep het protesoptogte teen die regering dwarsoor Libanon uitgebreek weens hul versuim om die ontploffings te voorkom, en by 'n groter reeks protesoptogte wat sedert 2019 in die land plaasgevind het, aangesluit. [4][5][6] Op 10 Augustus 2020 het premier Hassan Diab en die Libanese kabinet bedank weens die toenemende politieke druk wat deur die gebeurtenis vererger is.[7]
Ontploffings
[wysig | wysig bron]![](http://upload.wikimedia.org/wikipedia/commons/thumb/5/5c/Damages_after_2020_Beirut_explosions_1.jpg/220px-Damages_after_2020_Beirut_explosions_1.jpg)
Kort na 18:00 plaaslike tyd is tien brandbestryders uitgeroep om 'n pakhuisbrand in die Beiroet-hawe te blus.[8] Die eerste, 'n kleiner ontploffing, het 'n rookwolk bo die brand opgestuur en flitsende ligte veroorsaak weens die vlamvat van 'n hoop vuurwerke wat in die pakhuis gestoor is.[9] Die tweede massiewe ontploffing het omstreeks 18:08 plaaslike tyd plaasgevind, wat Beiroet geruk en 'n sampioenwolk van stof die lug in gestuur het.[10] Getuies het gesê dat huise van so ver as 10 kilometer van die ontploffing beskadig is.[11] Die hoofkwartier van Daily Star, 'n Libanese koerant, is verwoes deurdat dele van die dak ingeval het, vensters gebreek is en meubels beskadig is.[12] Die ontploffings is so ver as Siprus, 240 kilometer van Beiroet, gehoor.[13][14] Spesialiste van die Universiteit van Sheffield skat dat die ontploffing een van die grootste nie-kernontploffings in die geskiedenis was.[15]
Oorsaak
[wysig | wysig bron]Die oorsaak van die ontploffings is nie onmiddellik bepaal nie. Libanese media het berig dat die ontploffings by 'n vuurwerkstoorplek plaasgevind het, terwyl ander berig het dat dit by 'n oliebergingsfasiliteit of 'n chemiese opbergingsfasiliteit was.[1][16] Daar was pakhuise in die hawe wat plofstof en chemikalieë geberg het.[17] Abbas Ibrahim, die direkteur-generaal van die La Sûreté Générale (die Libanese intelligensiediens), het gesê die ontploffing is veroorsaak deur ammoniumnitraat wat jare gelede gekonfiskeer en geberg is.[18] Die ammoniumnitraat is afkomstig van die Moldawiese vragskip MV Rhosus, wat in Oktober 2013 as gevolg van enjinprobleme in Beiroet aangedoen het.[19] Die skip het 2 750 ton ammoniumnitraat van Batumi, Georgië, na Beira, Mosambiek vervoer. Toe dit onseewaardig bevind word, het die eienaars en die agente van die skip afstand gedoen, die bemanning is teruggestuur en die vrag daarvan is aanland gebring vir berging.[20] Die ammoniumnitraat is daarna vir die volgende ses jaar sonder voldoende veiligheidsmaatreëls in pakhuise gestoor tot en met die ontploffing in Augustus. 'n Veiligheidsbron het gesê dat die ontploffing veroorsaak is tydens sweiswerk om 'n gat in 'n pakhuis se deur te herstel.[21]
Voorheen het verskeie doeanebeamptes briewe aan regters gestuur met die versoek om 'n oplossing te vind vir die kwessie van die gekonfiskeerde vrag met die voorstel dat die ammoniumnitraat uitgevoer word, aan die Libanese leër gegee word, of aan die private Libanese plofstofmaatskappye verkoop word.[22] Briewe is op 27 Junie en 5 Desember 2014, 6 Mei 2015, 20 Mei en 13 Oktober 2016 en 27 Oktober 2017 gestuur. Een van die briewe wat in 2016 gestuur is, het daarop gewys dat regters nie op vorige versoeke geantwoord het nie, en het 'gepleit':[23]
"In die lig van die ernstige gevaar daaraan verbonde om hierdie goedere in ongeskikte klimaatstoestande in die pakhuis te hou, bevestig ons weer ons versoek aan die mariene-agentskap om hierdie goedere onmiddellik weer uit te voer om die veiligheid van die hawe en diegene wat daarin werk, te bewaar, of om 'n ooreenstemming te oorweeg om hierdie goedere te verkoop."
Ongevalle
[wysig | wysig bron]Weens die ontploffings is minstens 207 mense dood[24] en meer as 6 500 beseer.[25]
Nazar Najarian, die sekretaris-generaal van die Kataeb Party, is dood aan ernstige kopbeserings tydens die ontploffing,[26] en Kamal Hayek, voorsitter van die staatsbeheerde elektrisiteitsonderneming, was in 'n kritieke toestand.
Die destydse Duitse minister van buitelandse sake, Heiko Maas, het gesê dat 'n werknemer van die Duitse ambassade by haar huis dood is weens die ontploffing.[27]
Reddingsoperasies
[wysig | wysig bron]Die Libanese Rooi Kruis het gesê dat alle beskikbare ambulanse uit Noord-Libanon, die Bekaavallei en Suid-Libanon na Beiroet gestuur is om pasiënte te help. Helikopters is gebruik om 'n groot brand na die ontploffings te blus. Tientalle beseerdes wat na nabygeleë hospitale afgevoer is, kon weens die skade aan die hospitale nie ontvang word nie.
Reaksies
[wysig | wysig bron]Hassan Diab, die premier van Libanon, het aangekondig dat die dag ná die ontploffings 'n nasionale dag van rou sou wees.[28] Die goewerneur van Beiroet, Marwan Abboud, het op televisie in trane uitgebars en dit " 'n nasionale ramp" genoem.[3]
Verwysings
[wysig | wysig bron]- ↑ 1,0 1,1 "Massive explosion shakes Lebanese capital, buildings near Beirut port reportedly damaged". Haaretz (in Engels). Besoek op 4 Augustus 2020.
- ↑ "Massive explosion shakes Lebanon's capital Beirut". San Francisco Chronicle (in Engels (VSA)). 4 Augustus 2020. Besoek op 4 Augustus 2020.[dooie skakel]
- ↑ 3,0 3,1 Hubbard, Ben (4 Augustus 2020). "Explosions Rock East Beirut". The New York Times (in Engels (VSA)). ISSN 0362-4331. Besoek op 4 Augustus 2020.
- ↑ Najjar, Ted Regencia, Arwa Ibrahim, Farah. "Second day of protests as anger over Beirut explosion grows: Live". Al Jazeera. Besoek op 10 Augustus 2020.
{{cite web}}
: AS1-onderhoud: meer as een naam (link) - ↑ Hubbard, Ben; El-Naggar, Mona (8 Augustus 2020). "Clashes Erupt in Beirut at Blast Protest as Lebanon's Anger Boils Over". The New York Times (in Engels (VSA)). ISSN 0362-4331. Besoek op 10 Augustus 2020.
- ↑ CNN, Ben Wedeman, Luna Safwan, Ghazi Balkiz and Tamara Qiblawi. "Lebanon protesters storm ministries as violent protests grip Beirut". CNN. Besoek op 10 Augustus 2020.
{{cite web}}
:|last=
has generic name (hulp)AS1-onderhoud: meer as een naam (link) - ↑ "Lebanese PM steps down in wake of Beirut explosion, protests". AP NEWS. 10 Augustus 2020. Besoek op 10 Augustus 2020.
- ↑ Balkiz, Ghazi; Qiblawi, Tamara; Wedeman, Ben (5 Augustus 2020). "Beirut explosion shatters windows across Lebanese capital". CNN. Besoek op 4 Augustus 2020
- ↑ El Deeb, Sarah; Mroue, Bassem (6 Augustus 2020). "In a horrific instant, a burst of power that ravaged Beirut". Associated Press. Besoek op 6 Augustus 2020.
- ↑ "Massive explosion rocks central Beirut". The Independent (in Engels). 4 Augustus 2020. Besoek op 4 Augustus 2020.
- ↑ Qiblawi, Tamara (4 Augustus 2020). "Beirut explosion shatters windows across Lebanese capital". CNN. Besoek op 4 Augustus 2020.
- ↑ Cheeseman, Abbie; Suliman, Adela; Mulligan, Matthew (4 Augustus 2020). "Massive explosion rocks Beirut, causing injuries and widespread damage". NBC News. Besoek op 4 Augustus 2020.
- ↑ "Beirut explosion updates: Massive blast rocks Lebanese capital". BBC News.
- ↑ "'Like an earthquake': Huge explosion rips through Beirut captured on video". Hindustan Times. 4 Augustus 2020. Besoek op 4 Augustus 2020.
- ↑ "Port officials under house arrest after Beirut blast". BBC News. 6 Augustus 2020. Besoek op 6 Augustus 2020.
- ↑ "Multiple explosions rock Downtown Beirut: Eyewitnesses" (in Engels). Al Arabiya English. 4 Augustus 2020. Besoek op 4 Augustus 2020.
- ↑ "Massive blast in Beirut kills at least 10, sending shockwaves across city". Reuters. 4 Augustus 2020. Besoek op 4 Augustus 2020.
- ↑ Gadzo, Mersiha (4 Augustus 2020). "Dozens killed, thousands wounded in Beirut blast: Live updates". Al Jazeera. Besoek op 4 Augustus 2020.
- ↑ Gadzo, Mersiha (4 Augustus 2020). "Dozens killed, thousands wounded in Beirut blast: Live updates". Al Jazeera. Besoek op 4 Augustus 2020.
- ↑ Voytenko, Mikhail (23 Julie 2014). "Crew kept hostages on a floating bomb — m/v Rhosus, Beirut". fleetmon.; "Rhosus". Fleetmon [vessel tracker database]. Besoek op 4 Augustus 2020. Dagher, Charbel; Maksoud, Christine (Oktober 2015). "m/v Rhosus — Arrest and Personal Freedom of the Crew" (PDF). The Arrest News (11). Besoek op 5 Augustus 2020.
- ↑ Nakhoul, Samia; Francis, Ellen (5 Augustus 2020). "Toll expected to rise in blast that shook Beirut, killing 78 and injuring thousands". Reuters. Besoek op 5 Augustus 2020.
- ↑ "Ammonium nitrate sold by ton as U.S. regulation is stymied". The Dallas Morning News. Geargiveer vanaf die oorspronklike op 28 Februarie 2018. Besoek op 5 Augustus 2020.
- ↑ Azhari, Timour (5 Augustus 2020). "Beirut blast: Tracing the explosives that tore the capital apart". Al Jazeera. Besoek op 5 Augustus 2020.
- ↑ Ibrahim, Arwa; Allahoum, Ramy; Rasheed, Zaheena. "LIVE: France's Macron says Lebanon aid won't go to the 'corrupt'". www.aljazeera.com.
- ↑ Holmes, Oliver; Beaumont, Peter; Safi, Michael; Chulov, Martin (4 Augustus 2020). "Beirut explosion: dead and wounded among 'hundreds of casualties', says Lebanon Red Cross – live updates". The Guardian. Geargiveer vanaf die oorspronklike op 4 Augustus 2020. Besoek op 4 Augustus 2020.
- ↑ "Live updates: Lebanese capital rocked by huge explosion". CNN. 4 Augustus 2020. Geargiveer vanaf die oorspronklike op 4 Augustus 2020. Besoek op 4 Augustus 2020.
- ↑ Alkousaa, Riham; Sheahan, Maria (6 Augustus 2020). "German embassy employee among dead in Beirut explosion: ministry". Reuters.
- ↑ "Lebanon's Prime Minister Hassan Diab declares national day of mourning Wednesday, after Beirut blast". The Daily Star. 4 Augustus 2020. Geargiveer vanaf die oorspronklike op 8 Augustus 2020. Besoek op 4 Augustus 2020.
Eksterne skakel
[wysig | wysig bron]- Video van die ontploffing in die hawe
- Uitsig vanaf die water, insluitend ~ 15 sekondes na die skokgolf van die stygende rook- en vuurpluim
- Video geneem van die water met die skokgolf en sampioenwolk
Hierdie artikel is in sy geheel of gedeeltelik uit die Engelse Wikipedia vertaal.