Oenas
Oenas | ||||||||||||||||||||||||||||||||||||||||||||||||||||||||||||||||||||||||||||||||||||||
Unas, Wenis, Onnos | ||||||||||||||||||||||||||||||||||||||||||||||||||||||||||||||||||||||||||||||||||||||
![]() | ||||||||||||||||||||||||||||||||||||||||||||||||||||||||||||||||||||||||||||||||||||||
Oenas se naam op ’n stele in sy piramidekompleks in Saqqara | ||||||||||||||||||||||||||||||||||||||||||||||||||||||||||||||||||||||||||||||||||||||
Farao van die 5de Dinastie | ||||||||||||||||||||||||||||||||||||||||||||||||||||||||||||||||||||||||||||||||||||||
Periode | 2375–2345 v.C. | |||||||||||||||||||||||||||||||||||||||||||||||||||||||||||||||||||||||||||||||||||||
Voorganger | Djedkare | |||||||||||||||||||||||||||||||||||||||||||||||||||||||||||||||||||||||||||||||||||||
Opvolger | Teti | |||||||||||||||||||||||||||||||||||||||||||||||||||||||||||||||||||||||||||||||||||||
Vader | Djedkare (?) | |||||||||||||||||||||||||||||||||||||||||||||||||||||||||||||||||||||||||||||||||||||
Monumente | Piramide van Oenas | |||||||||||||||||||||||||||||||||||||||||||||||||||||||||||||||||||||||||||||||||||||
Oenas in Egiptiese hiërogliewe | ||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||
|
Oenas (ook Unas, Unis of Wenis gespel, en volgens Manetho bekend onder die Hellenistiese naam Onnos) was die laaste Egiptiese farao van die 5de Dinastie van die Ou Ryk.[1] Daar word gereken hy het tussen 2375 en 2345 v.C. regeer.[2] Hy het vermoedelik twee vroue gehad, Nebet en Chenoet, na aanleiding van hul grafte naby sy grafkelder.[3]
Volgens Manetho het die 5de Dinastie met sy dood tot ’n einde gekom en het hy dus waarskynlik geen seuns gehad nie. In die Turynse Koningslys word hier ook ’n spasie ingevoeg, en volgens Jaromir Malek is dit gewoonlik gedoen wanneer daar ’n verskuiwing van die hoofstad en koninklike woning was.[4] Daar is egter wel tekens dat daar kontinuïteit was tussen die 5de en die 6de Dinastie: Kagemni, Djedkare en Oenas se raadgewer, het sy loopbaan onder Oenas se opvolger, Teti, voortgesit; Teti se koningin, Ipoet, was vermoedelik Oenas se dogter. Dit wys volgens Nicolas Grimal dat daar geen breuk tussen die dinastieë was nie.[5] Die breuk was waarskynlik bloot weens ’n amptelike skuif.
Bewind
[wysig | wysig bron]Weens ’n gebrek aan dokumente is min oor Oenas se bewind bekend. Terwyl sy piramide die kleinste van die Ou Ryk is, is die gehalte en innovasie van die "Piramidetekste" wat daarin ontdek is, asook van ander kunswerk aan die binneste mure, van die beste uit die Ou Ryk. Vanweë die uitbeelding van ’n hongersnood teen die mure, glo sommige geleerdes dat daar wel ’n hongersnood tydens sy bewind was.[6]
Oenas is sonder ’n manlike erfgenaam dood en daar was vermoedelik ’n tydperk van onstabiliteit aan die einde van sy bewind. Daar word geglo sy dogter, Ipoet, het die vrou van sy opvolger, Teti, geword.
Piramide en piramidetekste
[wysig | wysig bron]Oenas het ’n klein piramide by Saqqara laat bou wat aanvanklik "Mooi is die plekke van Oenas" genoem is. Dit was naby die Trappiramide van Djoser. Die binnekant is versier met uitbeeldings van gebeure tydens sy bewind asook ’n aantal inskripsies. Malek beskou egter die eerste voorkoms van Piramidetekste as die belangrikste innovasie van Oenas se piramide.[7] Dit is die oudste bekende godsdienstige tekste in Egipte, en die tweede oudste in die wêreld.[8]
Die tekste kom voor in die meeste piramides uit die 6de Dinastie, maar dié van Oenas bevat verse en spreuke wat nie later aangetref word nie. Die tekste was bedoel om die koning in die doderyk te help om allerhande magte te bowe te kom en by die songod, Ra, aan te sluit. Daarna sou die koning saam met Ra in sy sonboot om die hemele roei.
-
Die grafkelder in Oenas se piramide
-
Die oorblyfsels van Oenas se piramide
-
Matrose op ’n boot uit die piramide
-
Die ingang na Oenas se piramide
Verwysings
[wysig | wysig bron]- ↑ King Unas (Digital Egypt)
- ↑ Jaromir Malek, "The Old Kingdom (c.2160-2055 BC)" in Ian Shaw (red.), The Oxford History of Ancient Egypt (Oxford: University Press, 2000), p. 112. The Digital Egypt website by die University College of London gee die datum aan as 2450-2300 BC.
- ↑ "Unas, Last Ruler of the Fifth Dynasty" (in Engels). Touregypt.net. Geargiveer vanaf die oorspronklike op 4 Oktober 2019. Besoek op 2 Januarie 2012.
- ↑ Malek, "The Old Kingdom", bl. 113f
- ↑ Nicolas Grimal, A History of Ancient Egypt, vertaal deur Ian Shaw (Oxford: Blackwell, 1992), bl. 80
- ↑ http://ancientegyptonline.co.uk/Unas.html Geargiveer 13 Oktober 2014 op Wayback Machine Pharaohs of Ancient Egypt: Scenes of famine found on Unas' causeway.
- ↑ Malek, "The Old Kingdom", p.112f
- ↑ http://ancientegyptonline.co.uk/Unas.html Geargiveer 13 Oktober 2014 op Wayback Machine Antiquity of the Pyramid Text.
Eksterne skakels
[wysig | wysig bron]Wikimedia Commons het meer media in die kategorie Oenas.
Hierdie artikel is vertaal uit die Engelse Wikipedia