Mango (lugredery)
![]() | |||||||
| |||||||
Gestig | 2006 | ||||||
---|---|---|---|---|---|---|---|
Laaste vlug | Julie 2021 | ||||||
Hoofspille | O.R. Tambo Internasionale Lughawe | ||||||
Fokusstede | Kaapstad Internasionale Lughawe | ||||||
Lojaliteitsprogram | Voyager | ||||||
Vlootgrootte | 10 (op sy hoogtepunt) | ||||||
Bestemmings | 8 | ||||||
Houermaatskappy | Suid-Afrikaanse Lugdiens | ||||||
Hoofkantoor | O.R. Tambo Internasionale Lughawe, Kemptonpark, Gauteng, Suid-Afrika | ||||||
Sleutelpersone | Nic Vlok (hoof- uitvoerende beampte)[1] | ||||||
Webwerf | flymango.com |
![](http://upload.wikimedia.org/wikipedia/commons/thumb/c/c2/2011-02-08_15-57-27_South_Africa_-_Crossroads.jpg/350px-2011-02-08_15-57-27_South_Africa_-_Crossroads.jpg)
Mango (amptelik Mango Airlines SOC Ltd) was 'n Suid-Afrikaanse laekostelugredery. Die lugredery is in 2006 as 'n filiaal van die Suid-Afrikaanse Lugdiens gestig. Hulle het hoofsaaklik binnelandse lugroetes bedien en het meegeding teen die ander plaaslike laekosterederye. Mango se basis was die O.R. Tambo-lughawe naby Johannesburg.[2]
Sedert 2013 het die redery ook Saterdae en Dinsdae na Zanzibar gevlieg, 'n eiland op die Oos-Afrikaanse kus van die Indiese Oseaan.[3]
In lyn met kostebeparingsmaatreëls van ander vergelykbare laekostelugrederye was Mango se klantediens ook gerasionaliseer en gedigitaliseer deur middel van 'n toep ('n toepassing wat op slimfone en tabletrekenaars gelaai kan word)[3] wat:
- Besprekings en die aankoop van kaartjies ondersteun
- Opgedateerde vlugskedules en -tye vertoon
- 'n Instapkaartjie en sekuriteitsklaring vir die passasier elektronies stoor en gereed hou
- Naspoor van enige Mango-vlug verskaf, beide vir die passasier in die lug en vir familie/vriende wat op land wag
- Mango-aanbiedings en uitverkopings aanbied.
"Vlerke geknip"
[wysig | wysig bron]Mango is gehok as gevolg van wanbetaling en skuld aan ACSA (Airports Company of South Africa) op 28 April 2021. Geen Mango-vliegtuie mag sedert 28 April 2021 óf vertrek óf op enige ACSA-lughawe in Suid-Afrika land nie. Slegs 'n verklaring en verskoning is deur die maatskappy uitgereik. Dit is nog nie bekend of enige geld van die regering wat aan South African Airways toegestaan is (waarvan Mango 'n filiaal is) as 'n reddingsboei aan Mango toegewys sal word nie.[4]
Bestemmings
[wysig | wysig bron]Mango het die volgende stede bedien:[5]
- Bloemfontein - Bram Fischer Internasionale Lughawe
- Kaapstad - Kaapstad Internasionale Lughawe (fokusstad)
- Durban - Koning Shaka Internasionale Lughawe
- George - George-lughawe
- Johannesburg
- Gqeberha - Port Elizabeth-lughawe
- Zanzibar - Zanzibar Internasionale Lughawe
Vloot
[wysig | wysig bron]Teen Augustus 2021 het Mango oor die volgende vliegtuie beskik:[6]
Vliegtuig | In vloot | Bestel | Passasiers | Notas |
---|---|---|---|---|
Boeing 737-800 | 2 | — | 186 | Voormalige South African Airways vliegtuie. |
Totaal | 2 | — |
Aanboorddiens
[wysig | wysig bron]As 'n laekostelugredery het Mango 'n uniforme vliegtuigvloot met 'n hoë sitplekdigtheid gehad. Mango het ook aanlyn-kaartjieuitreiking aangebied. 'n Standaardbespreking het nie etes en drankies ingesluit nie. Mango het 'n aanboordprogram gehad wat kos en drankies te koop aangebied het, by die passasier se sitplek.[7][8]
Sien ook
[wysig | wysig bron]Verwysings
[wysig | wysig bron]- ↑ "Mango acting Chief Executive Officer appointed" (in Engels). 4 Augustus 2016. Geargiveer vanaf die oorspronklike op 19 Junie 2017. Besoek op 16 November 2016.
- ↑ "Directory: World Airlines". Flight International. 10 April 2007. p. 47.
- ↑ 3,0 3,1 Onderhoud met Hein Kaiser: Bemarkingsbestuurder van Mango. Ontbytsake op kykNET, 14 Junie 2014
- ↑ "Mango flights suspended". eNCA. 28 April 2021. Geargiveer vanaf die oorspronklike op 30 September 2021. Besoek op 29 September 2021.
- ↑ "Mango Airlines | Affordable South African Domestic Flights". Mango Airlines | Affordable South African Domestic Flights (in Engels). Besoek op 31 Augustus 2017.
- ↑ "Down to two planes, Mango should've been in business rescue with SAA". 27 Julie 2021.
- ↑ "Spaza Mango 1 Geargiveer 27 Februarie 2009 op Wayback Machine Mango 1.
- ↑ "Spaza Mango 2 Geargiveer 27 Februarie 2009 op Wayback Machine Mango 2.
Eksterne skakels
[wysig | wysig bron]Wikimedia Commons het meer media in die kategorie Mango (lugredery).
- Amptelike webtuiste