Good King Wenceslas
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](http://upload.wikimedia.org/wikipedia/commons/thumb/9/92/Good_King_Wenceslas.jpg/220px-Good_King_Wenceslas.jpg)
Good King Wenceslas is 'n tradisionele Engelse kerslied wat oor 'n Boheemse koning se liefdadigheid handel, maar - in teenstelling met die meeste ander kersliedjies - nie eksplisiet na die geboorte van Jesus Christus verwys nie. Die legende van "Goeie Koning Wenceslaus" het sy oorsprong in die lewe van Sint Wenceslaus I, hertog van Boheme (Svatý Václav in Tsjeggies, 907–935, en tans die beskermheilige van Tsjeggië), wat ondanks strawwe winterweer op 26 Desember, die dag waarop die fees van die Christelike martelaar Sint Stefanus gevier word, 'n reis onderneem het om aalmoese aan armes te gee. Sy skildknaap dreig om deur die koue oorweldig te word, maar volg uiteindelik die koning se voetspore, stap vir stap, deur die diep sneeu.
Die lied se lirieke is in 1853 deur die Engelse liedskrywer John Mason Neale (1818−1866) in samewerking met sy musiekredigeerder Thomas Helmore geskryf en nog in dieselfde jaar in Carols for Christmastide ("Kersfeesliedjies") gepubliseer. Neale se lirieke is getoonset met die melodie van 'n 13de eeuse lentelied, Tempus adest floridum ("Die blommetyd nader"), wat vir die eerste keer in 1582 in die Finse sangbundel Piae Cantiones verskyn het.[1]
Verwysings
[wysig | wysig bron]Eksterne skakels
[wysig | wysig bron]- Media