Frans Timmermans
Voorkoms
![](http://upload.wikimedia.org/wikipedia/commons/thumb/0/08/Frans_Timmermans_2023.jpg/220px-Frans_Timmermans_2023.jpg)
Franciscus Cornelis Gerardus Maria (Frans) Timmermans (gebore op 6 Mei 1961 in Maastricht) is 'n Nederlandse politikus van die PvdA.
Hy was van 1 November 2014 tot 22 Augustus 2023 die eerste adjunk-president van die Europese Kommissie gewees in die kommissies Juncker en Von der Leyen.
Sedert November 2023 is hy die partyleier van die kombinasie PvdA-GroenLinks.
Loopbaan
[wysig | wysig bron]- Van 1980 tot 1985 studeer hy Frans aan die Radboud Universiteit van Nijmegen en van 1984 -'85 vervolg hy sy studies aan die Universiteit van Nancy in Europese Reg en Franse literatuur.
- Van 1987 - 1990 is hy beleidmedewerker aan die Nederlandse Ministerie van Buitelandse Sake en '90-'93 werk hy as adjunk-sekretaris aan die Nederlandse ambassade in Moskou.
- Hy keer na Den Haag terug en '93-'94 werk hy by die ministerie van ontwikkelingsamewerking as adjunk-hoof van die afdeling Europese sake.
- Hierna begin sy Europese loopbaan: van 1994 - 1995 werk hy vir Hans van den Broek, die Nederlandse minister van buitelandse sake wat nou Europese Kommissaris geword het.
- Van 1995 - 1998 werk hy vir Max van der Stoel wat die Hoë Kommissaris vir nasionale minderhede van die OSCE is.
- Hy keer terug na die Nederlandse politiek en van 1998 - 2007 is hy lid van die Nederlandse Tweede Kamer vir die sosiaaldemokratiese party PvdA. Van 2007 tot 2010 dien hy as adjunk-minister van Europese sake in die Balkenende IV-kabinet en van 2012- 2014 as minister van buitelandse sake in die Rutte II-kabinet.
- In 2014 word hy die eerste adjunktpresident van die Europese Kommissie Juncker. Sy werkgebied is verbetering van reëlgewing, die betrekkings tussen instellings, die regstaat en die handves van grondregte.
- In 2019 word hy die Europese Kommissaris vir Klimaat en eerste adjunktpresident van die Kommissie Von der Leyen.
- Sedert 6 Desember 2023 is hy die parlementêre leier van die kombinasie GroenLinks-PvdA in die Tweede Kamer.
Persoonlike besonderhede
[wysig | wysig bron]Frans Timmersman is vir die tweede keer getroud en het vier kinders.
Hy is 'n Rooms-Katoliek en 'n poliglot; hy spreek Duits, Engels, Frans, Italiaans, Nederlands en Russies as ook die Limburgse dialek.
Eksterne skakels
[wysig | wysig bron]- Dr. F.C.G.M. (Frans) Timmermans, Parlement.com