Dundrum, Noord-Ierland
Dundrum Dún Droma (Iers-Gaelies) | |
---|---|
Dorp | |
![]() | |
Koördinate: 54°15′00″N 5°51′00″W / 54.25000°N 5.85000°W | |
Land | ![]() |
Land (VK) | Noord-Ierland |
County | Down |
Bevolking | |
• Totaal | 1 555 |
Tydsone | UTC+00:00 (MGT) |
• Somertyd | UTC+01:00 (BST) |
Poskode | BT33 |
Skakelkodes | 028 |
![](http://upload.wikimedia.org/wikipedia/commons/thumb/5/5c/Dundrum_Castle.jpg/220px-Dundrum_Castle.jpg)
![](http://upload.wikimedia.org/wikipedia/af/thumb/9/90/Uitsig_oor_Dundrumbaai.jpg/220px-Uitsig_oor_Dundrumbaai.jpg)
Dundrum (Iers: Dún Droma "Fort by die bergrug")[1][2] is 'n klein nedersetting en townland in die Noord-Ierse graafskap Down, geleë aan die Dundrumbaai, sowat vier myl buite Newcastle langs die A2-motorpad, met 'n bevolking van 1 555 volgens die sensus van 2011.
Dundrum staan veral bekend vir sy Normandiese kasteel wat teen die begin van die 13de eeu, ná die Normandiese verowering van Ulster, deur John de Courcy (1160–1219) opgerig is om die landroete tussen Drogheda en Downpatrick te beskerm. Die kasteel se ruïne is tans 'n historiese besienswaardigheid in Dundrum en bied danksy sy ligging op 'n heuwel 'n uitsig oor Dundrumbaai, gebiede in sy omgewing (waaronder die Mourne Mountains) en die Ierse Seekus.
Die sandduinhabitat en natuurbewaringsgebied Murlough Nature Reserve, wat in 1967 as Ierland se eerste natuurreservaat gevestig is en tans deur die National Trust bestuur word, is naby Dundrum geleë, met Keel Point as plaaslike toegangspunt.
Verwysings
[wysig | wysig bron]- ↑ "Placenames NI". Geargiveer vanaf die oorspronklike op 3 Augustus 2017. Besoek op 29 September 2017.
- ↑ Placenames Database of Ireland
Eksterne skakels
[wysig | wysig bron]Wikimedia Commons het meer media in die kategorie Dundrum, Noord-Ierland.
- Ireland's Eye – Dundrum Castle