Digter
![](http://upload.wikimedia.org/wikipedia/commons/thumb/9/95/Guidogezelle.jpg/220px-Guidogezelle.jpg)
'n Digter is 'n skrywer van poësie (gedigte). 'n Skrywer wat woorde vir liedjies skryf word 'n teksdigter genoem.
Die woord 'digter' kom van die Latynse dictāre, wat 'om met nadruk te sê' beteken. Die woord 'digter' is, soos 'poësie', verwant aan die Griekse werkwoord ποιεῖν (poiein), wat onder andere 'om te skep' beteken.
Die digter kan gesien word as die erfgenaam van 'n lang mondelinge tradisie waarin die musikaliteit van die teks beklemtoon word. Digters bestaan al sedert antieke tye, in verskillende kulture en tydperke. Die geskiedenis van digters is so uiteenlopend soos die literatuur wat hulle vervaardig het.
Digters is oor die algemeen skrywers wat die gedig as hul vernaamste kreatiewe produk sien. Daar is geen werklik afdoende definisie nie, want daar bestaan nie iets soos 'n 'professionele groep digters' nie. Soms word 'n onderskeid getref tussen 'regte' digters en Sondagdigters, maar dit is ook arbitrêr. Baie digters wat nou bekend is, het hul digbundels self gepubliseer as beginnerdigters. Wat van iemand 'n digter maak, hou dus nie direk verband met sukses of publikasie in 'n bekende tydskrif nie.
Hoewel mens na elke skrywer van 'n gedig kan verwys as die digter van die werk, word mense wat nooit enige gedigte gepubliseer het nie, nie gereken tot die beroepsgroep van digters te behoort nie. Om as digter te kwalifiseer moet die skrywer se poësie 'n integrale deel van sy letterkundige bydrae vorm. Mense wat net af en toe 'n gedig skryf bly skrywers.
Die romantiese beeld van die digter is iemand met verhoogde sensitiwiteit, 'n visioenêr.
Sien ook
[wysig | wysig bron]Eksterne skakels
[wysig | wysig bron]- Aanlyn-digters by woes.co.za Geargiveer 11 Junie 2009 op Wayback Machine
Wikiwoordeboek het 'n inskrywing vir digter.