Cockburn Sound
![](http://upload.wikimedia.org/wikipedia/commons/thumb/7/72/GardenIsland.png/200px-GardenIsland.png)
Cockburn Sound (uitgespreek koubin) is 'n see-engte aan die weskus van Wes-Australië. Dit loop vanaf die mond van die Swanrivier by Fremantle vir omtrent 25 km tot by Cape Peron naby Rockingham.
Dit word in die ooste begrens deur die vasteland en aan die westekant deur Garden-eiland en Carnac-eiland, verskeie rotseilande en goed ontwikkelde koraalriwwe. Gage Roads lê ten noorde daarvan.
Die see-engte is geleë by 32°10′14″S 115°43′26″E / 32.17056°S 115.72389°O en die totale oppervlakte is ongeveer 100 km².
Nywerhede op die vastelandse kus was vir baie jare 'n bron van kommer in soverre dit die omgewing betref. In die afgelope paar jaar het swaar nywerhede daar afgeneem en het dinge in die verband verbeter. Die Garden-eiland toegangsroete tot Garden-eiland het die ekologie van die gebied baie verander en 'n impak op die seegras daar gehad asook die beweging van sand in en rondom Shoalwater Mariene Park.
Die see-engte word toenemend gebruik vir ontspanning- en visvangbedrywighede vanweë die verbetering in waterkwaliteit.
Eksterne skakels
[wysig | wysig bron]- Cockburn Sound Management Council Annual Report from 2005 Geargiveer 26 Augustus 2006 op Wayback Machine