Chiefs (Superrugbyspan)
Chiefs | ||||
![]() | ||||
Stigting | 1996 | |||
Ligging | Hamilton, Nieu-Seeland | |||
Streek | Waikato, Bay of Plenty, Noord-Manawatu-Wanganui | |||
Stadion | Waikatostadion | |||
Kapasiteit | 25 800[1] | |||
Afrigter(s) | Dave Rennie | |||
Kaptein(s) | Sam Cane | |||
Liga(s) | Superrugby | |||
2018 | Kwarteind (5de na rondomtalie) | |||
|
||||
Statistiek
| ||||
---|---|---|---|---|
Eerste wedstryd | ||||
Waikato Chiefs 27 – 26 Canterbury Crusaders (3 Maart 1996) | ||||
Grootste oorwinning | ||||
Waikato Chiefs 47 – 9 Gauteng Leeus (3 Mei 1997) 38 | ||||
Grootste nederlaag | ||||
Cats 53 – 3 Chiefs (13 Mei 2000) 50 | ||||
Amptelike webwerf | ||||
www.chiefs.co.nz |
Die Chiefs (voorheen bekend as die Waikato Chiefs) is ’n Nieu-Seelandse rugbyspan wat as ’n konsessie sedert 1996 aan die Super 14 deelneem. Die konsessie sluit Waikato, Bay of Plenty, Noord-Manawatu-Wanganui in. Die spelers van Counties Manukau, Bay of Plenty en Waikato neem ook aan die ITM-beker deel terwyl spelers van Thamesvallei en King Country aan die Heartland-kampioenskap deelneem. Hulle tuisveld is die Waikatostadion in Hamilton. Die huidige kaptein van die span is Mils Muliaina
Geskiedenis
[wysig | wysig bron]Die Chiefs-konsessie is in 1995 gestig vir die aanvang van die Super 12 in 1996. Die provinsiale span van Waikato het reeds voor 1996 aan die Super 10 deelgeneem. In die eerste seisoen van die kompetisie het die Chiefs sesde geëindig nadat hulle ses van hulle rondomtaliewedstryde gewen het. Die volgende seisoen het hulle egter heelwat swakker gedoen en elfde geëindig. In 1998 het die Chiefs weer beter gevaar en aan die einde van die rondomtalietoernooi was hulle sewende op die punteleër. In 1999 het die Chiefs nog beter gevaar en weer die sesde plek ingeneem.
In 2000 het die Chiefs weer teleurgestel met drie seges en ’n tiende plek aan die einde van die seisoen. Die volgende seisoen het die Chiefs weer verbeter en die seisoen afgesluit met ’n sesde plek aan die einde van die seisoen. In 2002 het hulle egter weer teruggesak na die agtste plek nadat hulle slegs 4 rondomtaliewedstryde kon wen en in die seisoen daarna het hulle nog verder teruggesak na die tiende plek op die punteleër. Die seisoen van 2004 was weer ’n goeie een vir die Chiefs. Hulle het sewe van die rondomtaliewedstryde gewen en deurgedring na die uitspeelrondes na ’n vierde plek op die punteleër. Hulle het in hul eerste halfeindronde teen die Brumbies verloor met 32 - 17. In die laaste seisoen van die Super 12 het die Chiefs weer die sesde plek op die punteleër ingeneem.
In 2006 is die kompetisie uitgebrei na 14 spanne met die toevoeging van die Western Force van Australië en die Cheetahs van Suid-Afrika. Die Chiefs het in 2006 weer ’n middelmatige seisoen gehad en was na die laaste ronde in die sewende plek op die punteleër. Die seisoene van 2007 en 2008 was soortgelyk aan die 2006-seisoen met ’n sesde plek in 2007 en ’n sewende plek in 2008. In 2009 het die Chiefs egter baie beter gevaar en na 9 seges het hulle tweede op die punteleër geëindig. Dit het beteken dat hulle vir die tweede keer in die geskiedenis van superrugby na die uitspeelrondes deurgedring het. Hulle het teen die Hurricanes in Hamilton gespeel en met 14 - 10 gewen. Hulle was vir die eerste keer in die eindronde van die kompetisie. Dit het beteken dat hulle na Pretoria moes reis om teen die Bulls te gaan speel. Hulle is egter ’n rugbyles geleer en het die eindronde met 61 - 17 voor ’n volgepakte Loftus Versfeld verloor.
In 2012 het die Chiefs bo-aan die Nieu-Seelandse groep geëindig en vir ’n tuishalfeindstryd gekwalifiseer. Hulle het in daardei wedstryd met 20 – 17 teen die Crusaders gewen. Gevolglik kon hulle die eindstryd in Hamilton aanbied. Die eindstryd was teen die Sharks waar die Chiefs gemaklik met 37 – 6 gewen het. In die 2012-seisoen is baie nuwe spanrekords opgestel insluitend die meeste oorwinnings op hul tuisveld, die meeste agtereenvolgende oorwinnings op hul tuisveld, die meeste agtereenvolgende oorwinnings in ’n seisoen en die meeste punte en drieë aangeteken in ’n seisoen.[2]
Konsessiegebied
[wysig | wysig bron]![](http://upload.wikimedia.org/wikipedia/af/thumb/0/00/ChiefFranchiseArea.png/220px-ChiefFranchiseArea.png)
Die span verteenwoordig die Counties Manukau, Waikato, Thamesvallei, King Country en Bay of Plenty se rugbyunies. Die Chiefs het aanvanklik bestaan uit die unies van North Harbour, Northland, Waikato, King Country en Bay of plenty omdat soveel All Blacks uit Auckland, North Harbour en Northland gekom het. Teen die einde van die 1990’s is die grense vir die konsessies geherdefinieer en is North Harbour en Northland deur die Blues oorgeneem in ruil vir Counties Manukau en Thamesvallei.
Seisoenbepalings
[wysig | wysig bron]Super 12
[wysig | wysig bron]Die volgende tabel som die Chiefs se Super 12-uitslae op:[3]
Seisoen Pos Gespeel Gewen Gelyk Verloor Punte vir Punte teen +/− BP Pte Notas 1996 6de 11 6 0 5 291 269 +22 4 28 1997 11de 11 4 0 7 272 295 −23 3 19 1998 7de 11 6 0 5 279 291 −12 5 29 1999 6de 11 5 0 6 248 301 −53 6 26 2000 10de 11 3 0 8 257 352 −95 8 20 2001 6de 11 6 0 5 301 330 −29 4 28 2002 8ste 11 4 0 7 323 341 −18 8 24 2003 10de 11 2 0 9 257 274 −17 9 17 2004 4de 11 7 0 4 274 251 +23 5 33 Verloor teen Brumbies in halfeindronde 2005 6de 11 5 1 5 272 250 +22 6 28
Super 14
[wysig | wysig bron]Die volgende tabel som die Chiefs se Super 14-uitslae op:[3]
Seisoen Pos Gespeel Gewen Gelyk Verloor Punte vir Punte teen +/− BP Pte Notas 2006 7de 13 7 1 5 325 298 +27 6 36 2007 6de 13 7 1 5 373 321 +52 10 40 2008 7de 13 7 0 6 348 349 −1 6 34 2009 2de 13 9 0 4 338 236 +102 9 45 Verloor teen Bulls in eindrondte 2010 11de 13 4 1 8 340 418 −78 8 26
Superrugby
[wysig | wysig bron]Die volgende tabel som die Chiefs se Superrugby-uitslae op:
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 10de 16 6 1 9 332 348 −16 6 40 2012 2de 16 12 0 4 444 358 +86 8 64 Wen in eindrondte teen Sharks 2013 1ste 16 12 0 4 458 364 +94 10 66 Wen in eindrondte teen Brumbies 2014 5de 16 8 2 6 384 378 +6 8 44 Verloor in kwalifiserende rondte teen Brumbies 2015 5de 16 10 0 6 372 299 +73 8 48 Verloor in kwalifiserende rondte teen Highlanders
1 Punte toegeken vir ’n loslootjie is nie hierby ingereken nie.
Die volgende tabel som die Chiefs se Superrugby-uitslae vir die uitgebreide toernooi van agtien spanne op:
Seisoen Pos Alg Pos Groep Gespeel Gewen Gelyk Verloor Punte vir Punte teen +/− BP1 Pte Notas 2016 6de 4de 15 11 0 4 491 341 +150 7 51 Verloor in halfeindrondte teen Hurricanes 2017 6de 4de 15 12 1 2 433 292 +141 7 57 Verloor halfeindrondte teen Crusaders
Huidige span
[wysig | wysig bron]Chiefs 2017 Superrugbyspan
Stutte Hakers Slotte |
Losvoorspelers
Skrumskakels Losskakels |
Senters Vleuels Heelagters |
Afrigters: 1996 - Huidig
[wysig | wysig bron]- Brad Meurant (1996 – 1997)
- Ross Cooper (1998 – 2000)
- John Mitchell (2001)
- Kevin Greene (2002 – 2003)
- Ian Foster (2004 – 2011)
- Dave Rennie (2012 – huidig)
Kapteins: 1996 - Huidig
[wysig | wysig bron]- Richard Turner (1996)
- Ian Jones (1997)
- Errol Brain (1998)
- Michael Collins (1999)
- Glenn Taylor (2000)
- Deon Muir (2001 – 2002)
- Jono Gibbes (2002 – 2008)
- Mils Muliaina (2008 – 2010)
- Liam Messam (2011 – huidig)
- Craig Clarke (2012 – 2013)
- Aaron Cruden (2014 – huidig)
Notas en verwysings
[wysig | wysig bron]- ↑ (en) www.waikatostadium.co.nz Geargiveer 14 Oktober 2008 op Wayback Machine
- ↑ "2012 Superrugby Einde-van-die-seisoen-toekennings" (in Engels). Geargiveer vanaf die oorspronklike op 22 November 2018. Besoek op 7 Maart 2013.
- ↑ 3,0 3,1 "Superrugby spanbesonderhede (Chiefs)" (in Engels). Lassen Creative Technologies Ltd. Geargiveer vanaf die oorspronklike op 2 November 2019. Besoek op 25 Maart 2010.
Eksterne skakels
[wysig | wysig bron]![]() |
Wikimedia Commons bevat media in verband met Chiefs (Superrugbyspan). |