Argonoute
![](http://upload.wikimedia.org/wikipedia/commons/thumb/9/97/Dosso_Dossi_001.jpg/220px-Dosso_Dossi_001.jpg)
![](http://upload.wikimedia.org/wikipedia/commons/thumb/a/af/MS-Argonautai-route.jpg/220px-MS-Argonautai-route.jpg)
Die Argonoute (Antieke Grieks: Ἀργοναῦται, Argonautai) is 'n groep sterk, dapper mans in antieke Griekse stories wat saam met Jason in die skip Argo geseil het om na die Goue Vlies te gaan soek.[1]
In die Griekse mitologie was Jason die seun van Eson en die leier van die Argonoute. Jason het vir Argos, 'n groot skeepsbouer, gevra om vir hom 'n skip met 50 roeispane te bou. Daarna het hy boodskappers na elke paleis in Griekeland gestuur om vrywilligers bymekaar te maak. Die skip is die Argo genoem, en die seilers daarvan Argonoute. Hy het die Goue Vlies, wat van sy familie gesteel is, met die hulp van Medea gaan soek en uiteindelik teruggekry.
Van die vrywilligers: Boreade (seuns van Boreas, die Noordewind) wat kon vlieg, Herakles, Filoktetes, Peleus, Telamon, Orfeus, Kastor en Polluks, Atalanta en Eufemos.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
[wysig | wysig bron]Wikimedia Commons het meer media in die kategorie Argonoute.