Ajna
Ajna of agya[1] (Sanskrit: आज्ञा, ājñā), ook genoem die derde-oog-chakra, is die sesde primêre chakra in die liggaam volgens Hindoeïsme.[2][3] Dit is ’n deel van die brein wat sterker gemaak kan word deur meditasie, joga en ander spirituele oefening,[4][5] nes ’n spier.
In die Hindoetradisie beteken dit die onderbewussyn, die direkte skakel met die brahman. Terwyl ’n mens se twee oë die fisieke wêreld sien, onthul die derde oog ’n insig in die toekoms. Daar word geglo die "derde-oog-chakra" verbind ’n mens met sy intuïsie en gee hom die vermoë om met die wêreld te kommunikeer, of dit help hom om boodskappe uit die verlede en toekoms te ontvang.[6][7]
Ligging en voorkoms
[wysig | wysig bron]Die ajna is in die middel van die voorkop, tussen die wenkbroue, geleë. Dit is nie deel van die fisieke liggaam nie, maar van die lewenskragstelsel. Die ligging is ’n heilige plek waar Hindoes ’n tilaka of bindi van sandelhout of vermiljoen aanwend.
Die ajna word beskryf as ’n deurskynende lotusblom met twee blare. Die letter "ham" (हं), wat Shiva verteenwoordig, kom op die linkerblaar voor en die letter "ksham" (क्षं), wat Shakti verteenwoordig, op die regterblaar.[8] In die middel is die lettergreep om, wat beskou word as die basiese en magtigste klank van die wêreld wat alle ander klanke omvat.[9]
Verwysings
[wysig | wysig bron]- ↑ "The Ancient Powerful Practices of Hindu Meditation". The Way of Meditation (in Engels (VSA)). 5 Mei 2015. Geargiveer vanaf die oorspronklike op 22 September 2018. Besoek op 31 Maart 2017.
- ↑ "Third Eye - A Thorough Explanation". Token Rock (in Engels (VSA)). Besoek op 31 Maart 2017.
- ↑ "Chakra Meditation For Deep Healing And Balancing". WellBeingAlignment. Besoek op 31 Maart 2017.
- ↑ Kilham, Christopher S. "Chakra Meditation to Increase Your Energy Flow". www.innerself.com (in Engels (VK)). Besoek op 31 Maart 2017.
- ↑ "Ajna Chakra - The Third Eye Chakra - Sanskriti - Indian Culture". Sanskriti - Indian Culture (in Engels (VSA)). 13 Januarie 2014. Geargiveer vanaf die oorspronklike op 1 April 2017. Besoek op 31 Maart 2017.
- ↑ "The Third Eye in Hinduism & Buddhism -". www.lotussculpture.com (in Engels (VSA)). Besoek op 31 Maart 2017.
- ↑ "Sixth Chakra Third Eye Chakra Ajna Chakra". My Chakras. 27 Mei 2008. Besoek op 4 Mei 2016.
- ↑ "What Does Om Mean". www.sacredfunk.com. Geargiveer vanaf die oorspronklike op 26 April 2016. Besoek op 27 April 2016.
Skakels
[wysig | wysig bron]
Wikimedia Commons het meer media in die kategorie Ajna.
Hierdie artikel is in sy geheel of gedeeltelik uit die Engelse Wikipedia vertaal.
