29 Oktober

29 Oktober is die 302de dag van die jaar in die Gregoriaanse kalender (303de in 'n skrikkeljaar). Daar volg nog 63 dae in die res van die jaar.

Gebeure

1344 – Pous Clemens VI se kruistog verower Smyrna.
1591 – Pous Innocentius IX volg Pous Gregorius XIV op as pous van die Rooms-Katolieke Kerk.
1695 – Pous Innocentius XII verklaar Helen Enselmini van Arcella salig.
1787 – Mozart se opera Don Giovanni word vir die eerste keer in Praag opgevoer.
1862 – De Tijd word in Bloemfontein gepubliseer as die Oranje-Vrystaat se eerste Nederlandse nuusblad.
1886 – New York Stad-kantoorwerkers vind spontaan die ticker-tape parade uit.
1923 – Mustafa Kemal Atatürk word die eerste president van die Republiek Turkye, ’n nuwe nasie gestig op die oorblyfsels van die Ottomaanse Ryk.
1929 – Die Groot Depressie: Die New Yorkse Effektebeurs stort in duie op Swart Dinsdag, wat lei tot ’n reeks bankrotskappe. Dit ontketen ’n wêreldwye ekonomiese depressie.
1956 – Die Suezkanaal-krisis begin: Israel val die Sinaiskiereiland in en dwing Egiptiese magte terug na die Suezkanaal.
1975 – Genaraal Francisco Franco se 36-jarige bewind kom tot ’n einde met die aankondiging dat Prins Carlos as voorlopige staatshoof van Spanje sal oorneem.
1982 – Lindy Chamberlain word in Australië skuldig bevind aan moord op haar babadogter (nege weke oud) nadat ’n jurie haar bewering dat ’n dingo die baba gesteel het, verwerp.
1998 – Die Waarheid en Versoeningskommisie bied sy verslag oor gebeure onder apartheid in Suid-Afrika aan.
1998 – John Glenn maak in die ouderdom van 77 – ná meer as drie dekades sedert sy laaste deelname aan die Amerikaanse ruimteprogram – ’n ruimtevlug mee aan boord die Discovery, om die uitwerking van ’n ruimtevlug op bejaardes na te vors.
2022 – Misuzulu Zulu word by 'n groot plegtigheid in Durban amptelik as Zoeloekoning gekroon en deur die Suid-Afrikaanse regering erken.

Geboortes

1711 – Laura Bassi, Italiaanse fisikus en akademikus († 1778).
1781 – Alexander Biggar, Britse Setlaar en soldaat († 1838).
1897 – Joseph Goebbels, Duitse politikus († 1945).
1910 – Alfred Jules Ayer, Britse filosoof († 1989).
1930 – Louis Shill, Suid-Afrikaanse politikus.
1938 – Ellen Johnson-Sirleaf, die president van Liberië sedert 2006.
1943 – Don Simpson, Amerikaanse rolprentvervaardiger, akteur en skrywer († 1996).
1946 – John Williams, Suid-Afrikaanse rugbyafrigter († 2024).
1949 – Gerrie (Johannes Servaas) Germishuys, Springbokrugbyspeler.
1949 – Li Zhenshi, Chinese manstafeltennisspeler en afrigter.
1958 – Stefan Dennis, Australiese akteur.
1959 – John Magufuli, Tanzaniese president († 2021).
1971 – Ma Huateng, Chinese entrepreneur en stigter van Tencent.
1971 – Winona Ryder, Amerikaanse aktrise.
1983 – Johnny Lewis, Amerikaanse akteur († 2012).
1993 – India Eisley, Amerikaanse aktrise.
1998 – Lance Stroll, Kanadese Formule Een-motorrenjaer.

Sterftes

1902 – Genl. Christiaan Botha, jonger broer van genl. Louis Botha (* 1864).
1905 – Hendrik Witbooi, leier van die Witbooi-Nama in Namibië (* 1830).
1911 – Joseph Pulitzer, Hongaars-Amerikaanse verslaggewer, koerantuitgewer, advokaat en filantroop (* 1847).
1933 – Rudolph Lewis, Suid-Afrikaanse fietsryer en Olimpiese gouemedaljewenner (* 1887).
1959 – Edith Clarke, die eerste vroulike elektriese ingenieur (* 1883).
1949 – George Gurdjieff, stigter van die 4de Weg (* 1866).
1997 – Anton LaVey, stigter en hoëpriester van die Kerk van Satan (* 1930).
2009 – Russell Ackoff, Amerikaanse bedryfskundige en baanbreker in operasionele navorsing en algemene stelselteorie (* 1919).
2012 – Hendrik Jan Marsman, Nederlandse skrywer, digter, en vertaler (* 1937).

Vakansies, vierings, en waarnemingsdae