Waterfall Bluff

Video van Waterfall Bluff

By Waterfall Bluff aan die Wildekus in die Pondolandstreek van die Transkei val die Mlambomkhuluwaterval in die Indiese Oseaan.

Waterfall Bluff lê in die Msikaba-natuurreservaat, tusssen Port Grosvenor en Mbotyi, tussen Port St. Johns en die Mkambathi-natuurreservaat. Dit is in die omgewing van die nedersettings Mlambomkhulu (“die groot rivier”) en Lupatana by 31°26′4″S 29°49′19″O.

Die Mlambomkhulurivier val hier oor steil rotse vir 60 m vry in die bewegende see. Dit is een van slegs 19 watervalle met hierdie unieke eienskap in die wêreld. Hierdie val is baie moeilik bereikbaar. Voetslaners kan tot by die waterval kom en selfs agter die val verbyloop.

Lees ook

• Mfihlelo-waterval

Bronne

• fagalavoet.co.za
• sa-venues.com