Ierse See
| Ierse See | |
|---|---|
 Nasa-Satellietbeeld van die Ierse See | |
 Kaart van die Ierse See | |
| Koördinate: | 53°N 5°W / 53°N 5°W |
| Ligging: | Republiek van Ierland, Verenigde Koninkryk, Eiland Man |
| Soort: | See van die Atlantiese Oseaan |
| Oppervlakte: | 46 007 km² (17 763 myl²) |
| Maksimum diepte: | 175 m (576 vt) |
| Volume: | 2 800 km³ (580 myl³) |
| Lengte: | 210 km (130 myl) |
| Breedte: | 240 km (150 myl) |
| Eiland/e: | Eiland Man, Anglesey |
| Nedersettings: | Douglas (Man) Dublin (Republiek van Ierland) Blackpool en Liverpool (Engeland) |
Die Ierse See (Engels: Irish Sea, Iers-Gaelies: Muir Éireann, Manx-Gaelies: Mooir Vannin, Skots: Erse Sea, Skots-Gaelies: Muir Èireann, Ulster-Skots: Airish Sea, Wallies: Môr Iwerddon; in die antieke tydperk bekend onder sy Latynse naam Oceanus Hibernus; daarnaas ook Manx-see genoem[1]) is 'n seearm van die Noordelike Atlantiese Oseaan wat Ierland (in die weste) van Groot-Brittanje (in die ooste) skei. Die Eiland Man is in die sentrum en Anglesey in die suide van die Ierse See geleë.
Afhangende van die konteks – histories, kultureel en oseanografies – is daar verskillende uitgangspunte waarvolgens die Ierse See se grense afgebaken kan word. Die Internasionale Hidrografiese Organisasie gee die see se oppervlakte volgens suiwer oseanografiese kenmerke as 46 007 km³, insluitende die Sint George's-kanaal.[2] Die see strek oor 'n lengte van 130 myl (210 km) en is 150 myl (240 km) wyd. Dit word in die noorde deur die Noordkanaal (Engels: North Channel) tussen Noord-Ierland en Skotland en in die suide deur die Sint-Georgekanaal tussen die uiterste suidooste van Ierland en Suidwes-Wallis met die Atlantiese Oseaan verbind.
Die diepste punt met 576 voet (175 m) is by die Mull of Galloway (Skotland se mees suidelike punt[3]) geleë, naby die see se verbinding met die Noordkanaal.[4] Belangrike seehawens is die Ierse hoofstad Dublin of Baile Átha Cliath, die Engelse hawestede Blackpool en Liverpool asook die hoofstad van die Eiland Man, Douglas.
Fotogalery
wysig-
Brittas Bay maak deel uit van die Ierse graafskap Wicklow se kuslyn -
Die kranse van Howth Head buite Dublin, met die Baily-vuurtoring in die agtergrond -
Die North Hoyle-windplaas in Liverpoolbaai is in 2003 as Engeland se eerste groot hernubare energieprojek op see in bedryf gestel -
Die eerste oggendsonstrale breek deur oor die Mull of Galloway, Skotland
Verwysings
wysig- ↑ Irish Sea Conservation Zones: Irish Sea Facts. Besoek op 14 Augustus 2017
- ↑ "IHO Marine Regions. Besoek op 14 Augustus 2017". Geargiveer vanaf die oorspronklike op 15 Desember 2014. Besoek op 14 Augustus 2017.
- ↑ Mull of Galloway Trust: The Mull of Galloway Experience. Besoek op 14 Augustus 2017
- ↑ "Irish Sea" (in Engels). Encyclopædia Britannica. Geargiveer vanaf die oorspronklike op 28 Desember 2019. Besoek op 14 Augustus 2017.
Eksterne skakels
wysig
Wikimedia Commons het meer media in die kategorie Ierse See.
