Wikipedia

The Killers

Weergawe deur InternetArchiveBot (besprekings | bydraes) op 13:55, 30 Augustus 2021 (Rescuing 0 sources and tagging 1 as dead.) #IABot (v2.0.8)
(verskil) ← Ouer weergawe | bekyk huidige weergawe (verskil) | Nuwer weergawe → (verskil)

The Killers is 'n musiekgroep wat in 2002 in Las Vegas, Nevada (VSA) tot stand gekom het. Die groep is saamgestel uit Brandon Flowers wat die voorsang en sintetiese klavier behartig, Dave Keuning op kitaar en agtergrondsang, Mark Stoermer op baskitaar en agtergrondsang, en Ronnie Vannucci jr. op perkussie en tromme. The Killers klink sterk na die klanke van die musiek van die 1980's. Die debuutalbum Hot Fuss (2004) het die groep kommersiële sukses meegebring. In 2006 het The Killers hul tweede ateljee-album, Sam's Town, vrygestel, en die kompilasieplaat Sawdust, wat b-kante, skaarse materiaal, sowel as nuwe snitte insluit, is in 2007 uitgegee. Die groep se derde vollengtestudioalbum, Day & Age, is deur Stuart Price geproduseer en het in November 2008 op die rakke verskyn.

The Killers
The Killers tydens 'n optrede in 2006. Van links na regs: Dave Keuning, Ronnie Vannucci jr. (agter), Brandon Flowers, en Mark Stoermer.
Agtergrondinligting
OorsprongLas Vegas, Nevada (VSA)
GenresSintetiese pop, rock
Jare aktief2002 — hede
EtiketteIsland, Vertigo, Marrakesh Records
Webwerfthekillersmusic.com
LedeBrandon Flowers
Dave Keuning
Mark Stoermer
Ronnie Vannucci jr.

Geskiedenis

wysig

Vorming (2001 — 2002)

wysig

Brandon Flowers is in 2001 deur sy eerste groep, die sintetiese popgroep Blush Response, in die pad gesteek nadat hy geweier het om saam met die groep na Los Angeles, Kalifornië (VSA) te trek. Hy het David Keuning ontmoet nadat hy gereageer het op 'n advertensie wat Keuning in die The Sun-koerant geplaas het. Flowers en Keuning het Ronnie Vanucci jr. en Mark Stoermer genader om by hul nuwe groep, The Killers, aan te sluit. Die naam is geneem van 'n bastrom van 'n denkbeeldige musiekgroep in die musiekvideo van New Order se snit "Crystal".[1]

Aanvanklik het The Killers slegs in klein kroeë in Las Vegas gespeel. Met die groep se stabiele lidsamestelling en sy groeiende snitrepertoire, het hulle die aandag van Alex Gilbert, 'n Britse verteenwoordiger van Warner Bros., getrek. Warner Bros. het nie die groep geval nie, en Gilbert het 'n demoplaat geneem en aan sy vriend Ben Durling, 'n werknemer van die destydse Britsie onafhanklike etiket Lizard King (nou Marrakesh Records) gegee, waarna hulle 'n platekontrak met daardie uitgewer onderteken het.[2]

Hot Fuss (2003 — 2006)

wysig

In Junie 2004 het The Killers hul album Hot Fuss in die VK op Marrakesh Records en in die VSA op Island Records vrygestel. Hot Fuss het vier keer volgens die Britse Fonografiese Industrie (BPI)[3] en drie keer volgens die Plateïndustrie van Amerika (RIAA)[4] platinumstatus behaal. Die groep het ook sukses op die trefferlyste behaal met "Mr. Brightside" wat die Top 10 in die VK bereik het,[5] en met "All These Things That I've Done".[6] Hul grootste hoofstroomsukses het egter gekom met hul hervrystelling van die snit "Somebody Told Me".[7]

Hot Fuss is ook as 'n spesiale uitgawe vrygestel met 'n swart weergawe van die oorspronklike albumomslag en die plaat sluit bykomende snitte in wat later hervrygestel is met die kompilasieplaat Sawdust.

Sam's Town (2006 — 2007)

wysig
  Sam's Town sal een van die beste albums van die afgelope twintig jaar wees.
— Brandon Flowers[8]
  

The Killers se tweede vollengtestudioalbum, Sam's Town, is in Oktober 2006 onder die etiket van Island Def Jam Music Group vrygestel.[9] Alhoewel voorsanger Brandon Flowers gemeen het hierdie album sou die beste album in die laaste twintig jaar wees, het Sam's Town gemengde kritiek van kritici en aanhangers ontvang.[10] In die eerste week ná sy vrystelling is daar meer as 700 000 kopieë van die album verkoop, en het dit op die Billboard-tydskrif se trefferlyste op tweede plek gedebuteer.[11] In Januarie 2007 is daar meer as 'n miljoen kopieë van die hand gesit.[12] Vier enkelspelers het uit Sam's Town gespruit en is in die VK en VSA vrygestel: "When You Were Young" (September 2006), "Bones" (November 2006), "Read My Mind" (Februarie 2007), en "For Reasons Unknown" (Junie 2007).[13] Eersgenoemde het die Billboard-tydskrif se aflaaitrefferlys op vyfde plek betree, en dit het in die daaropvolgende week van sy amptelike vrystelling tot tweede plek op die VK-enkelspelerstrefferlys geskuif.[14]

Sawdust (2007 — 2008)

wysig

In November 2007 het die groep die kompilasieplaat Sawdust vrygestel, wat b-kante, rariteite, en nuwe materiaal bevat het. Die BPI het hierdie uitgawe 'n goudstatus toegeken.[15] Die eerste enkelsnit vanaf die album is "Tranquilize", wat in samewerking met Lou Reed geproduseer is, en dit is in Oktober 2007 vrygestel. Die album bevat ook die snitte "Ruby, Don't Take Your Love to Town" ('n cover van die oorspronklike snit deur Kenny Rogers en The First Edition) en "Romeo and Juliet" ('n cover van die oorspronklike snit deur Dire Straits). Met die eerste druk van Sawdust het 'n rare demoweergawe van die snit "Move Away" op die plaat verskyn. Dit was volgens Flowers egter 'n fout van die platemaatskappy, en op die daaropvolgende drukke verskyn die amptelike weergawe van die snit, soos wat dit oorspronklik veronderstel was.[16]

Ook in Oktober het die groep 'n cover van Joy Division se "Shadowplay" op die Amerikaanse iTunes Store vrygestel.[17]

Day & Age (2008 — hede)

wysig

The Killers se vierde vollengte ateljee-album Day & Age is op 24 November 2008 in die VK en op 25 November 2008 in Noord-Amerika vrygestel. Hierdie album is geproduseer met die hulp van Stuart Price, wat die Thin White Duke-remix van "Mr Brightside" gedoen het, en ook "Leave the Bourbon on the Shelf" en "Sweet Talk" geproduseer het. Die eerste enkelspeler wat vanaf die Day & Age-plaat gespruit het, was "Human", 'n snit wat aanvanklik beplan is om op Sawdust te verskyn. Dit is op 22 September 2008 vrygestel, met die gepaardgaande musiekvideo wat op 16 Oktober 2008 op die iTunes Store beskikbaar gestel is.[18]

Diskografie

wysig
  • Hot Fuss (2004)
  • Sam's Town (2006)
  • Sawdust (2007)
  • Day & Age (2008)
  • Battle Born (2012)
  • Wonderful Wonderful (2017)
  • Imploding the Mirage (2020)

Eksterne skakels

wysig

Verwysings

wysig
  1. ↑ Binelli, Mark (16 Junie 2005). "Hit Men" (in Engels). Rolling Stone. Geargiveer vanaf die oorspronklike op 8 Mei 2009. Besoek op 26 April 2008.
  2. ↑ Sculley, Alan (14 September 2004). "And you can dance to it". Kansas City Star. Besoek op 26 April 2008.
  3. ↑ Nixon, Chris (5 April 2007). "Can Killers regain form at UCSD? Stay tuned". The San Diego Union-Tribune. Besoek op 2 Mei 2008.
  4. ↑ "Hot Issue Hits and Misses: The Killers and the Cooper Temple Clause" (in Engels). Rolling Stone. 8 Oktober 2006. Geargiveer vanaf die oorspronklike op 26 Junie 2009. Besoek op 2 Mei 2008.
  5. ↑ Loundras, Alexia (25 Junie 2004). "Rock & Pop: Shooting from the hip". The Independent.
  6. ↑ Begbie, Scott (31 Oktober 2006). "Top rockers add Granite City to UK tour schedule". Evening Express.
  7. ↑ "Let's-start-a-band ad in newspaper created Killers". The Seattle Times. 24 April 2005. Besoek op 26 April 2008.
  8. ↑ "Monday News: Killers, Paul McCartney, Ben Kweller, Sufjan Stevens, Elton John, Broken Social Scene". Rolling Stone (in Engels). 10 Julie 2006. Geargiveer vanaf die oorspronklike op 26 Junie 2009. Besoek op 26 April 2008.
  9. ↑ Cohen, Jonathan (25 Julie 2006). "The Killers Debut 'Sam's Town' In New York" (in Engels). Billboard-tydskrif. Geargiveer vanaf die oorspronklike op 3 November 2012. Besoek op 2 Mei 2008.
  10. ↑ "New CD's". The New York Times. 2 Oktober 2006. Besoek op 2 Mei 2008.
  11. ↑ Bracelin, Jason (12 Oktober 2006). "Killers' second album strikes higher chord" (in Japannees). Las Vegas Review-Journal. Geargiveer vanaf die oorspronklike op 10 Januarie 2014. Besoek op 9 Desember 2008.
  12. ↑ "Best British band from America". The Age. 26 Januarie 2007. Besoek op 2 Mei 2008.[dooie skakel]
  13. ↑ Barrett, Neil (13 Oktober 2006). "Killers rock new "Town"". Clemson Tigers. Geargiveer vanaf die oorspronklike op 8 Desember 2008. Besoek op 2 Mei 2008.
  14. ↑ Sexton, Paul (2 Oktober 2006). "Scissor Sisters Not Budging On U.K. Charts" (in Engels). Billboard. Geargiveer vanaf die oorspronklike op 28 Desember 2010. Besoek op 2 Mei 2008.
  15. ↑ "Smoking Section: Fiona Apple, Kanye West, The Killers and Tom Petty". Rolling Stone (in Engels). 6 September 2007. Geargiveer vanaf die oorspronklike op 11 Julie 2009. Besoek op 26 April 2008.
  16. ↑ "Celine takes a chance" (in Engels). Toronto Star. 13 November 2007. Geargiveer vanaf die oorspronklike op 20 Oktober 2012. Besoek op 2 Mei 2008.
  17. ↑ "Killers' Joy Division Cover Hits the Web, M.I.A. Helps Jailed Aussie Kids Rhyme, Jadakiss Free From Gun and Drug Charges" (in Engels). Rolling Stone. 4 Oktober 2007. Geargiveer vanaf die oorspronklike op 1 Mei 2009. Besoek op 2 Mei 2008.
  18. ↑ "The Killers". The Killers. Geargiveer vanaf die oorspronklike op 28 Mei 2020. Besoek op 25 Oktober 2008.
Ontsluit van "https://af.wikipedia.org/w/index.php?title=The_Killers&oldid=2447049"