خدلك معلومة حلوة سريعة عن البطاريات 🔋 في الصورة زي ما انت شايف كده عكس اللي كنا بنقوله زمان انك متشحنش البطارية للاخر وخليها ٨٠٪ بس، هنا بطارية عربية BYD بتقولك عكس ده بتقولك اشحنها للآخر عشان البطارية يحصلها Balance او بمعنى اصح يتعملها callibration مظبوط فالعربية تديك القراية الصح والرينج المظبوط. طب عايز تفهم اكتر ليه ده في بطاريات LFP تحديداً مش الـNMC ؟ عشان بطاريات الـLFP من كتر ما هي بطاريات محترمة و مش بتتأثر بالحرارة بشكل كبير او المقاومة الداخلية زي باقي كيمياء البطاريات التانية فده بيخلي العربية بتفضل محافظة على الجهد الـVolt بتاعها عند معظم نسب البطارية يعني ٨٠٪ زي ١٠٠٪ الجهد هو هو.. فهنا الـBMS بيتلخبط ومبيبقاش فاهم الجهد ده عند كام في المية من البطارية بالظبط هل هي فعلا عند ١٠٠٪ ولا لا..؟ فلما تقعد تشحنها عند ٨٠٪ معظم الوقت بيفهم ان ده الـ١٠٠٪ بتاعته فبيغير حسبته كلها بناء على ده والسعة اللي قاريها و يغير معاك المدى اللي كنت بتشوفه. وعشان كده بطاريات الـLFP تحديدا ينصح دايما من وقت للتاني تشحنها لـ١٠٠٪ عادي جدا بدون اي مشاكل و عشان يحصّلها اعادة معايرة. #Electricvehicles #electrified #BYD #LFP #Battery_Explained
