ازاي كفرد او كشركة اقدر اوفر على الاقل ٣٤٠ آلف جنيه من غير ما احتاج اعمل استثمار زيادة..؟ مبدئياً المقالة دي موجهة بشكل اكبر للشركات اللي لسه اغلبهم مخدوش خطوات جادة في هذا المشروع مع انهم هيكونوا الاكثر استفادة منه.. نرجع بقى لعنوان البوست من تاني وهو ازاي اقدر اوفر الرقم ده من غير ما احتاج اعمل استثمار زيادة..؟ تخيل معايا انك شركة و بتستهدف تجيب يا اما عربيات (Fiat Tipo) او عربيات (Toyota Corolla) وخليني اقولك متوسط أسعارهم حسب اللي شفته اخر حاجة على موقع (هتلاقي) سعر الكورولا جديدة المتوسط بتاعها: مليون و ٤٠٠ آلف جنيه اما الفيات تيبو: مليون و ٢٠٠ الف تقربياً طيب الـ BYD QIN واللي شايفها آكتر عربية عملية وقيمة مقابل سعر في ألفئة دي وكمان تكنولوجيا بطاريات الـblade Battery، فسعرها مليون و ٣٠٠ الف جنيه. يعني سعرها بين التويوتا كورولا والـ فيات تيبو.. نيجي بقى لمصاريف الصيانة واللي زي اللي موجودة في الصورة واللي على اقل تقدير واللي مش محطوط في الحسبان انها ممكن تزيد واللي خلي بالكم معظمها استيراد يعني كده كده متوقع اسعارها هتعلى، فمصاريف بس توفير الصيانة على مدار ٢٠٠ آلف كم هتكون على اقل تقدير (١٠٠ آلف جنيه)! اما بقى المصاريف الاهم من ده كله ايه هي مصاريف التشغيل واللي متمثلة في البنزين واللي سعره هنقول ١٢ جنيه لبنزين ٩٢ وعشان تمشي ٢٠٠ الف كم هنقول انك محتاج تقريباً ٢٠ الف لتر بنزين لو متوسط اللتر بيمشي حوالي ١٠ كم/لتر بنزين ⛽️ وفي الحالة دي هيبقى ٢٠ الف لتر بنزين X ١٢ جنيه سعر اللتر = ٢٤٠ آلف جنيه ! 💴 يعني اجمالي التكلفة هيكون ٣٤٠ آلف جنيه مصري خلال فترة تشغيل العربية.. نيجي بقى للآسئلة المهمة حد هيسآلها، هيقولي ما الكهرباء بتاعت الحكومة كمان هتغلى، هقوله مظبوط بس ايا كان غلاءها فعمرها ما هتبقى اغلى من البنزين، يعني كده كده نسبه البنزين كسعر للكهرباء دايما هتبقى اكتر فده مش هيآثر ع المعادلة في حاجة.. طب سؤال تاني مهم وهو، طب البطارية يا سيدي هنعمل فيها ايه..؟ هقولك ولا حاجة و هتفضل تستخدمها عادي لا الشركة الام بتقولك ان البطارية بتضمنهالك على اسوء تقدير ان كفاءتها متقلش عن ٨٠٪ بعد ٢٠٠ آلف كم، يعني ايه..؟ يعني على سبيل المثال، العربية الـBYD QIN لو بتمشي ٤٠٠ كم من الشحنة، فبعد ٢٠٠ آلف كم هتكون بتمشي ٣٢٠ كم/ الشحنة على اسوء تقدير. سؤال كمان، طب ايه تكلفة الكهرباء كصيانة خلال الفترة دي، لو شيلنا الحاجات المتشابهة بره المعادلة زي الكاوتش والتيل والفلاتر، هتلاقي انها تقربياً ١٠٪ من العربيات البنزين، يعني ١٠ آلاف جنيه على فترة تشغيلها.. طب وشحن الكهرباء، اقل بـ ٨٠٪، يعني لو البنزين ٢٤٠ الف، فالكهرباء هتكون ٤٨ الف جنيه (الحسبة طبعا على كهرباء AC واللي معظم الوقت العربية هتشحن بيها). طب ايه تحديات الكهرباء حاليا واللي مع الوقت بتزول، بس هنعتبرها موجودة حاليا عشان نبقى غطينا كل أبعاد الموضوع، وهي فكرة السفر مثلاً، لو هتحتاج كشركة العربية تسافر كتير اكتر من ٤٠٠ كم ومتقدرش توفر شاحن في المكان اللي العربية مسافرة له، هتكون تحدي حالياً. لكن غير كده فالمعادلة محسومة للكهرباء بشكل عام في الصيانة والتشغيل.. #electrified #BYD #QIN #electricvehicles #savings
