Malaikat
![](http://upload.wikimedia.org/wikipedia/commons/thumb/7/72/The_Wounded_Angel_-_Hugo_Simberg.jpg/200px-The_Wounded_Angel_-_Hugo_Simberg.jpg)
Malaikat (bahsa Arab: ملاءكة) nyan salah saboh bagoë peuneujeuët Allah ta'ala. Malaikat neupeujeuët lé Allah Ta'ala nibak nur, yakni cahya. Sabab nyankeuh geupeunan malaikat ngön Ajsaam Nuuraaniyah (bahsa Arab: أجسام نورانية). Malaikat jeuët geupeurupa droëgeuh mumacam rupa ngön beuntuk. Ék geupubuët peukara nyang han ék jipubuët lé manusia. Mandum malaikat nyan hana tom geubantah peurintah Allah ta'ala, hana pajôh makanan, hana jép ië. Hana meukawén, kön agam kön inöng.
Meukeusud meuiman keu malaikat Allah beu yakin ngon patéh nyang bahwa malaikat nyan na. Cukôp na le malaikat nyang neupeujeuët lé Allah, na nyang di langèt, na nyang di bumoë, na nyang tugaih malam na nyang tugaih uroë.
Malaikat Siplôh
[peusaneut | peusaneut asai]Lam kawan le malaikat nyan, na siplôh droë malaikat nyang wajéb taturi lé geutanyoë hamba, malaikat siplôh nyan nakeuh:
- Malaikat Jibril (bahsa Arab: جبريل), tugaihgeuh geupeutrôn wahyu.
- Malaikat Mika'il (bahsa Arab: مكأيل), tugaihgeuh geuatô masalah raseuki keu makhluk, geuatô trôn ujeuën atawa la'én nibak nyan.
- Malaikat Israfil (bahsa Arab: إسرافيل), meutugaih seubagoë nyang yup sangkakala bak watèë kiyamat teuka.
- Malaikat Izrail (bahsa Arab: ), tugaih gopnyan tarék nyaw'ong makhluk nyang meunyaw'ong.
- Malaikat Raqib (bahsa Arab: ), nyang tuléh amay hamba nyang gèt-gèt.
- Malaikat Atid (bahsa Arab: ), nyang tuléh amay hamba nyang brôk-brôk.
- Malaikat Mungkar (bahsa Arab: ) nyang su'euë atawa nyang paréksa lam kubu.
- Malaikat Nakir (bahsa Arab: ), buëtgeuh saban lagèë malaikat Mungkar.
- Malaikat Malik Zabaniyah (bahsa Arab: ), gop nyan nakeuh nyang kaway nuraka.
- Malaikat Ridwan (bahsa Arab: ), tugaihgeuh jaga syuruga.
![]() |
Wikimedia Commons na mèdia nyang mupawôt ngön: Angels |