Hikayat Prang Sabi
Hikayat Prang Sabi nakeuh saboh teunuléh sastra lam Bahsa Acèh curak teunuléh nyan nakeuh hikayat nyang asoë nibak hikayat nyan nakeuh geupeugah bhaih jihad[1]. Hikayat prang sabi sampoë 'an uroë mantong geuteuliti lé ureuëng ahli meumacam bideuëng èleumèe. Neuduëk hikayat nyoë meujandréng ngon hikayat-hikayat la'én lam seujarah ummat manusia.
Jenis
[peusaneut | peusaneut asai]![](http://upload.wikimedia.org/wikipedia/commons/thumb/7/7a/COLLECTIE_TROPENMUSEUM_Handgeschreven_boek_in_Acehs_schrift_TMnr_2454-4a.jpg/250px-COLLECTIE_TROPENMUSEUM_Handgeschreven_boek_in_Acehs_schrift_TMnr_2454-4a.jpg)
Hikayat Prang Sabi na bak duwa macam jeunèh teunuléh, nyang phôn geurasi nan ngon tambéh (lam bahsa Arab meuma'na nasihat peuingat) ngon teunuléh calitra pahlawan (kisah jihad) lam seuëh prang Sabilillah di Acèh bak geulawan Kaphé.
Hikayat Prang Sabi jeunèh tambéh le geutuléh lé ulama nyang asoë jih nakeuh nasihat, neumeuyuë ureuëng Islam di Acèh keu geujak trôn lam seuëh prang jihaad fii sabilillaah, geupeudong agama Allah dari nafsu jeuheuët kaphé ngon meurumpok beunalah pahla nyang that na raya nibak Potallah.
Hikayat Prang Sabi jeunèh tambeh phôn that geupeunan ngon bahsa Arab Haadzihi Qishshah Nafsiyyah nakeuh neucok nibak risalah ulama Abdussamad al-Falimbani bak kitab gobnyan nyang geupeunan Nashihatul Muslimin. Naseukah awai nyan geutuléh bak thôn 1834 rab 40 thôn seugolom Prang Acèh, salang keunarang phôn nyang geupeunan Hikayat Prang Sabi nakeuh teunuléh nibak Teungku Chik Panté Kulu nyang geutuléh bak neulakèe lé 'cut aduën' neuh. Meuhat keu nyo cut aduën nyang neumeukeusud nyan nakeuh Teungku Chik di Tiro, nyang bak thôn 1881 ulama mujahid nyoe geuangkèe keu panglima prang sabilillah, salang Teungku Chik Panté Kulu nakeuh sidroë jaroe uneun gobnyan.
Hikayat Prang Sabi teunuléh calitra pahlawan geuploh keu bhaih kisah prang nyang na di nanggroë Acèh masa nyan. Geu calitra disinan kiban keuh ceubeuëh ureuëng Mujahidin Acèh bak geuprang Beulanda sampoë meuteumèe gla keu sidroe Syuhada, nyang maté Syahid lam prang nyan. Kisah-kisah pahlawan nyan geupeugot keu hikayat-hikayat nyang geupeunan meunurôt teumpat keujadian lagèe Hikayat Prang Sigli (1878), Hikayat Prang Geudông (1898) ngon la'én-la'én.[2]
Asai seunurat
[peusaneut | peusaneut asai]Asai teunuléh
[peusaneut | peusaneut asai]- Abdullah, Teuku Imran. 2008. Hikayat Prang Sabi: Satu Bentuk Karya Sastra Perlawanan[hubông luwa maté]. Pidato Pengukuhan Jabatan Guru Besar pada Fakultas Ilmu Budaya Universitas Gadjah Mada. Yogyakarta
Beunaca lom
[peusaneut | peusaneut asai]- Ahmad, Syarwan , MA, Drs. 2006. Teungku Chik Ditiro dan Hikayat prang Sabi. Research Fellow of the Scaliger Institute Leiden University
- Alfian, T. Ibrahim. 1992. Sastra Perang: Sebuah Pembicaraan Mengenai Hikayat Perang Sabil. Jakarta: Balai Pustaka
- Anonymous. Naskah Hikayat Prang Sabi
- Hasjmy, Ali. 1977. Apa Sebab Rakyat Aceh Sanggup Berperang Puluhan Tahun Melawan Agresi Belanda. Jakarta: Bulan Bintang. hal. 49
- Pante Kulu, Teungku Chik. 1946. Hikayat Prang Sabi. Banda Aceh: Abdullah Arif
- Zainuddin, H. M. 1960. Hikajat Prang Sabil. Medan: Pustaka Iskandar Muda
![]() |
Wikimedia Commons na mèdia nyang mupawôt ngön: Hikayat Prang Sabi |