ЭМОМАЛӢ РАҲМОН
АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ
ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН
Хабарҳо
Ҳамаи хабарҳо
-
Ифтитоҳи «Кӯдакистони – 2»-и деҳоти Барӯшони ноҳияи Рӯшон 12 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бинои нави «Кӯдакистони – 2»-и деҳоти Барӯшони ноҳияи Рӯшонро тариқи маҷозӣ ифтитоҳ карданд. Муассисаи томактабӣ 2-ошёна буда, барои 150 нафар кӯдак пешбинӣ шудааст ва он дар асоси дастуру супоришҳои Пешвои миллат бо ҷалби шарикони рушд сохта шудааст. Иншооти мазкур аз 5 ҳуҷра барои таълиму тарбия ва 5 ҳуҷраи дигар барои хоби кӯдакон, ҳуҷраи кории маъмурият ва табибон, ошхона бо 150 ҷойи нишаст ва толор барои машғулиятҳо иборат мебошад. Барои истироҳату фароғати кӯдакон дар саҳни бино майдончаи бозии тобистона бо таҷҳизоти зарурӣ сохта шудааст. Бо мавриди истифода қарор гирифтани ин муассисаи томактабӣ 30 ҷойи нави корӣ фароҳам гардидааст. Ҳангоми шиносоӣ бо шароити таълиму тарбия дар кӯдакистони навтаъсис Сарвари давлат муҳтарам Эмомалӣ Раҳмон бунёди чунин муассисаҳоро дар деҳот намунаи дастгирии сиёсати маорифпарваронаи Ҳукумати кишвар арзёбӣ карданд. Тарбияи томактабӣ дар рушди малакаи зеҳнии кӯдакон нақши муҳим мебозад ва бо таъсиси чунин кӯдакистонҳои хуштарҳу муосир онҳо аз таълиму тарбия дур намонда, ҳамчун фарзандони солимфикр ба мактаб хуб омода мешаванд. Ҳама синфхонаҳои муассиса дар фасли сармо тариқи низоми гармидиҳии мустақил, ки бо неруи барқ ва панелҳои офтобӣ фаолият менамояд, гарм нигоҳ дошта мешавад. Ба фаъолият оғоз намудани кӯдакистони мазкур орзуи деринаи сокинони деҳоти Барӯшони ноҳияи Рӯшон ба шумор меравад, зеро дар ин деҳот талаботи кӯдакон ба боғча хело зиёд аст. Сарвари давлат зимни суҳбат бо кормандони соҳаи маориф ва илм онҳоро вазифадор намуданд, ки барои баланд бардоштани сатҳу сифати таълиму тарбияи дӯстрӯякон масъулияти баланд эҳсос намоянд.29
12.10.2024
-
Ифтитоҳи Муассисаи таҳсилоти миёнаи умумии №26 дар ноҳияи Роштқалъа 12 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маркази ноҳияи Роштқалъа бо бардоштани парда аз рӯйи лавҳаи рамзӣ Муассисаи таҳсилоти миёнаи умумии рақами 26-ро, ки аз 4 ошёна иборат мебошад, мавриди истифода қарор доданд. Иншооти тозабунёди соҳаи маориф дар ин ноҳияи дурдаст дорои шароити муосири илмомӯзӣ буда, барои 1280 хонанда дар ду баст пешбинӣ шудааст. Аснои шиносоӣ ба Сарвари давлат муҳтарам Эмомалӣ Раҳмон иттилоъ доданд, ки мактаб дар масоҳати 2134 метри мураббаъ сохта шуда, дар он 31 синфхонаи таълимӣ, маҷлисгоҳ бо 300 ҷой нишаст, толори варзишӣ, ошхона ва китобхона мавҷуд аст. Ифтитоҳи мактаби нав ва таъмини шароити хуби таҳсил идомаи иқдому ташаббусҳои ояндасози Пешвои миллат муҳтарам Эмомалӣ Раҳмон дар самти фаро гирифтани хонандагон ба низоми муосири таълим буда, оянда барои тарбияи ҷавонони донишманду худшинос мусоидат мекунад. Корҳои сохтмонӣ дар иншооти мазкур моҳи ноябри соли 2021 аз ҷониби Муассисаи давлатии «Дирексияи иншооти ҳукуматии Дастгоҳи иҷроияи Президенти Ҷумҳурии Тоҷикистон» оғоз гардида, он дар муҳлати беш аз 2 сол бо ҷалби 150 нафар коргарону мутахассисони маҳаллӣ бо сифати баланд ба анҷом расонида шуд. Дар мактаб 8 синфхонаи фаннӣ мавҷуд буда, бо таҷҳизоти зарурӣ таъмин мебошанд. Роҳбари давлат муҳтарам Эмомалӣ Раҳмон зимни суҳбат бо омӯзгорону хонандагони муассисаи навбунёд, таъкид намуданд, ки Ҳукумати кишвар барои рушди соҳаи маориф тамоми тадбирҳоро амалӣ менамояд. Аз ин рӯ, хонандагонро лозим аст, ки аз ин имконот самаранок истифода намуда, дониш омӯзанд, илму техникаи муосир ва забонҳои хориҷиро аз худ намоянд. Барои таъмини гармӣ дар бино, иншооти алоҳида бунёд шудааст, ки бо ангишт фаъолият менамояд ва тавассути он ба тамоми синфхонаҳои таълимӣ дар фасли тирамоҳу зимистон гармӣ дода мешавад. Дар марказ ва деҳоти ноҳия ба ифтихори ҷашни бузурги миллӣ – 35-солагии Истиқлоли давлатӣ ба рушди инфрасохтори соҳаи маориф ва беҳсозии сифати таълиму тарбия таваҷҷуҳи зиёд зоҳир гардида, ҳоло корҳои лоиҳакашӣ ва сохтмонӣ дар 4 муассисаи таълимӣ идома дорад. Аз рӯйи маълумот ҳоло дар 41 муассисаи таълимии ноҳияи Роштқалъа зиёда аз 4 ҳазор хонанда ба таҳсил фаро гирифта шудаанд.27
12.10.2024
-
Мулоқот бо роҳбарону фаъолон ва сокинони ноҳияи Рӯшон 12 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Рӯшон бо роҳбарону фаъолон ва сокинон мулоқот намуданд. Пешвои миллат муҳтарам Эмомалӣ Раҳмон нахуст ба кулли мардуми сарбаланди ноҳияи Рӯшон барои истиқболи гарму самимӣ изҳори сипос карданд. Президенти кишвар рушду пешрафти ноҳияро дар даврони соҳибистиқлолӣ таҳлил намуда, изҳор доштанд, ки ба шарофати истиқлоли давлатӣ ноҳияи Рӯшон пайваста ободу зебо гардида истодааст. Сарвари давлат ба заҳмати ободгаронаву созандаи мардуми ноҳия, ки барои пешрафти Тоҷикистони азизамон саъю талош мекунанд, баҳои баланд доданд. Таъкид шуд, ки дар ноҳияи Рӯшон барои истиқболи сазовори ҷашни 35-солагии Истиқлоли давлатӣ сохтмону азнавсозии 165 иншоот ба нақша гирифта шуда, то имрӯз, аллакай, 111 иншоот бунёд гардида, 50 км. Роҳҳои маҳаллӣ навсозӣ шудааст. Дар ин кор Роҳбари давлат саҳми соҳибкорон ва шахсони саховатпешаи ноҳияро махсус таъкид намуда, ба ҳамаи онҳо самимона арзи сипос намуданд. Гуфта шуд, ки аз ҷониби Ҳукумати кишвар барои таъмин намудани рушди иҷтимоиву иқтисодии ноҳия дар давоми 33 соли соҳибистиқлолии кишвар беш аз 1,1 миллиард сомонӣ равона карда шудааст. Ҳамзамон бо ин, ҳоло амалисозии барномаи рушди иҷтимоиву иқтисодии ноҳияи Рӯшон барои солҳои 2021-2025 идома дорад, ки дар он 60 лоиҳа ба маблағи умумии 103 миллион сомонӣ пешбинӣ шудааст. Бо назардошти имкониятҳои соҳаи саноат дар ноҳия Сарвари давлат роҳбарияти вилоят, ноҳия ва дигар масъулони ҷумҳуриро вазифадор карданд, ки барои истифодаи самараноки захираҳои мавҷуда дар самти рушди ин бахши муҳим тадбирҳои иловагӣ андешанд. Зимни суханронӣ Президенти кишвар муҳтарам Эмомалӣ Раҳмон ҳамчунин соҳаҳои муҳими иқтисодиву иҷтимоиии ноҳия, аз ҷумла кишоварзӣ, нақлиёт, энергетика, маориф ва тандурустиро таҳлил намуданд. Сарвари давлат таваҷҷуҳи масъулони вилоят ва ноҳияҳои онро ба ислоҳи камбудиҳои дар ин соҳаҳо ҷойдошта ҷалб сохтанд. Дар фароварди суханронӣ Президенти Ҷумҳурии Тоҷикистон муҳтарам Эмомалӣ Раҳмон ба кулли мардуми меҳмоннавозу сарбаланди ноҳияи Рӯшон дар роҳи расидан ба ҳадафҳои созанда барору комёбиҳо орзу намуданд. Дар ҷамъбасти нишаст Сарвари давлат муҳтарам Эмомалӣ Раҳмон ба роҳбарони сохторҳои ҳифзи ҳуқуқу тартибот муроҷиат намуда, таъкид доштанд, ки бо мардум муомилаи хуб дошта бошанд. Аз ҷумла изҳор доштанд, ки “вазифаи мо хизмат ба мардум аст”.25
12.10.2024
Лоиҳаҳо
Ҳамаи лоиҳаҳо
-
Барои донишҷӯён
Маълумоти муфид барои донишҷӯён
-
Волидайн
Маълумоти муфид барои волидайн
-
Барои омӯзгорон
Маълумоти муфид барои омӯзгорон
-
МТМУ
Маълумоти муфид барои МТМУ
-
МТО
Маълумоти муфид барои МТО
Захираҳо
-
Китобхонаи электронӣ
Вазорати маориф ва илми Ҷумхурии Тоҷикистон
-
Мактаб Мобайл
Платформаи таълимии рақамӣ
-
Китобдӯст
Замимаи мобилӣ барои хурдсолон
-
Сандуқчаи зулбиё
Платформа барои хонандагони томактабӣ
-
Анбори электронӣ
Захираҳои электронӣ
-
Бозиҳои математикӣ
Замимаи мобилӣ барои хонандагони синфҳои 1-4
Эълон
Бештар-
10.10.2024
Специальное уведомление о закупках
Специальное уведомление о закупках Бештар -
10.10.2024
ЗАПРОС НА ЦЕНОВОЕ ПРЕДЛОЖЕНИЕ
ЗАПРОС НА ЦЕНОВОЕ ПРЕДЛОЖЕНИЕ Бештар -
10.10.2024
ЗАПРОС НА ЦЕНОВОЕ ПРЕДЛОЖЕНИЕ. ПРОЕКТ СРЕДА ОБУЧЕНИЯ ОСНОВА КАЧЕСТВЕННОГО ОБРАЗОВАНИЯ (LEARN)
ЗАПРОС НА ЦЕНОВОЕ ПРЕДЛОЖЕНИЕ. ПРОЕКТ СРЕДА ОБУЧЕНИЯ ОСНОВА КАЧЕСТВЕННОГО ОБРАЗОВАНИЯ (LEARN) Бештар
Ҳамаи элонҳо
Омор
Ҷумҳурӣ
Таълимӣ томактабӣ
Муҳассилин
Омӯзгорон
Таҳсилоти миёнаи умумӣ
Муҳассилин
Омӯзгорон
Муассисаи таҳсилоти олӣ
Муҳассилин
Омӯзгорон
