珊瑚海群島同性戀王國（Gay and Lesbian Kingdom of the Coral Sea Islands），喺2004年6月14號由一班志同道合嘅同性戀人士(下稱同志)，喺澳洲昆士蘭省嘅冇人島珊瑚海群島上面，建立屬於同志嘅蚊型「國家」。佢哋嘅國旗就係同性戀組織嘅彩虹旗。佢哋同（荷蘭、比利時、西班牙，加拿大）一樣都係贊成同性婚姻合法化嘅「國家」。同志視嗰度係天堂。珊瑚海群島同性戀王國政體係行君主立憲制。國家貨幣係使用歐元。
到而家冇任何國家承認珊瑚海群島同性戀王國，島上亦都冇人長住。王國嘅網站話，旅遊業、捉魚、賣 postcard 係唯一嘅經濟活動。
