聖女貞德

聖女貞德

聖女貞德（讀音: sênk nõy jënk däk）（Jeanne d'Arc，1412年1月6號—1431年5月30號）係法國民族英雄、軍事家、天主教嘅聖人。響英法百年戰爭（1337年 - 1453年）之中，貞德帶領法國軍隊對抗入侵嘅英軍，最後喺貢比涅俾勃艮第軍隊捉咗，燒死埋。

貞德之前係一個法國農家女，佢話喺十六歲時嘅一日，響村後嘅大樹之下見倒天使聖米迦勒、聖瑪嘉烈、聖凱瑟琳，得到「上帝嘅啟示」，要求佢帶兵收復當時畀英國人佔咗嘅法國土地。幾番轉折，貞德得到兵權，響1429年用九日幫奧爾良解圍，好多次帶兵打敗英國嘅侵略者，重促成擁有王位承繼權嘅查理七世喺同年7月16號加冕做皇帝。聖女貞德響1430年喺貢比涅一次小衝突之中俾勃艮第軍隊捉咗，英國人無幾耐用咗一大筆錢買佢返嚟，由英國控制嘅宗教裁判所判佢係異端，以女巫罪判處火刑，響1431年5月30號喺法國盧昂（Rouen）當眾燒死。

貞德 17 歲嗰時變成出名法國嘅女英雄，三年後被處死。廿年後英國人被徹底逐出法國嗰陣，貞德阿媽說服教宗卡利克斯特三世重審貞德件案，最終響1456年幫佢翻案。之後響1920年5月16號由教宗本篤十五世封聖。

貞德死後變成西方文化嘅一個重要角色。由拿破崙到而家，法國嘅政治人物都用佢嘅形象嚟宣傳，主要嘅作家同作曲家，包括莎士比亞、伏爾泰、席勒、威爾第、柴可夫斯基、馬克吐溫、蕭伯納、布萊希特都作咗唔少同佢有關嘅作品，重有大量以聖女貞德為題材嘅電影、戲劇、音樂亦一路都有，直到今時今日。

出面網頁

• Jeanne d'Arc Center Jenny Hefczyc 寫，包括傳記、翻譯同其他原始研究 （英文）
• Bryn Mawr 有關貞德嘅文件資料庫（英文）
• Catholic Encyclopedia 聖女貞德檔案 （英文）
• 聖女貞德檔案 Allen Williamson 寫，包括傳記、翻譯同其他原始研究 （英文）
• Joan of Arc in the First World War 由 B. J. Omanson，研究第一次世界大戰中以貞德為題材嘅宣傳品（英文）
• 聖女貞德博物館 （法文）