中山市
中山，喺中國廣東，舊稱香山。家下佢係一個地級市，叫中山市。中山原本係個島，又係個縣。大清時叫香山縣，民國時改叫中山縣，以紀念國父孫文（別名孫中山）。個島因珠江三角洲沖積，家下連埋大陸。原縣包括埋今日珠海市，甚至澳門[1]。
地理
山
中山北便有浮虛山，曾經係島山，係道教要地[2]，東南有五桂山，就係原香山個位，今日係響中山市同珠海市交界[1]。原縣重包埋濠鏡澳山，響家下澳門境[1]。
水
中山縣東南靠海。原縣同澳相接，有濠鏡澳關，西便叫拱北灣[1]，家下響珠海市境。原縣重有海裏便嘅東澳山、九星山，周圍叫九星洋[1]。又有老萬、九澳、橫琴、三灶、浪白諸島喺海度[1]，除咗九澳係澳門路環，全部都劃咗畀珠海市。
中山西北板沙海，水由順德入，東南去到潭洲[1]。而另一支仰船水，經木頭海，再向東南流入海[1]。西江由順德流入，到古鎮海，東南去到螺洲，夾埋石岐水，向南出磨刀門入海[1]。
史
大清嗰陣，中山叫香山縣，歸廣州府。縣丞駐前山寨城[1]。都司、巡檢駐黃梁都城[1]。另有三巡司駐淇澳、香山、黃圃[1]。光緒十三年，澳門正式落入葡萄牙[1]。宣統元年奏開香洲商埠[1]。