鄂圖曼帝國

鄂圖曼帝國旗

鄂圖曼帝國（鄂圖曼土耳其文：دولت عالیه عثمانیه; 土耳其文：Osmanlı İmparatorluğu），又叫土耳其帝國，係突厥人響1299年到1922年期間建立嘅帝國，立國嘅係鄂圖曼一世。鄂圖曼帝國由細亞細亞開始發展，最勁嗰陣勢力去到歐亞非三大洲，南歐、中東同北非都係佢管，國土西面去到直布羅陀海峽，東面就去到裏海同波斯灣，北面去到奧地利同斯洛文尼亞，南面就去到蘇丹與也門。1453年鄂圖曼帝國滅咗東羅馬帝國，搬個首都到伊斯坦堡，話自己繼承羅馬帝國，加埋伊斯蘭文化，就可以融合到東西文明。