大阿拉伯利比亞人民社會主義民眾國（الجماهيرية العربية الليبية الشعبية الإشتراكية العظمى），簡稱利比亞，係北非嘅一個國家。位於地中海南岸，同埃及、蘇丹、乍得、尼日爾、阿爾及利亞、突尼西亞相鄰。除咗沿海地區同南部嘅山區外，利比亞大部分地方都係沙漠。利比亞戰略位置重要，重係石油輸出國，曾經令到佢成為歐洲各國重要嘅貿易夥伴，但係因為利比亞政府同恐怖份子曾有聯繫，令佢喺政治上被西方國家排斥。由2003年起，利比亞積極同歐美各國改善關係，亦都達成咗好多重大共識，目前聯合國對利比亞嘅制裁已經解除。
