德仁

德仁
在位	2019年至
前任	老豆明仁
私人明細
配偶	皇后雅子
仔女	東久邇成子 久宮祐子內親王 鷹司和子 池田厚子 明仁 常陸宮正仁親王 島津貴子
年號	令和
父	明仁
母	美智子

德仁（1960年2月23號—）係日本今上天皇，上皇明仁同上皇后美智子嘅大仔。幼名浩宮。

隨住明仁喺2019年4月30號提前退位，德仁喺同年5月1號即位日本天皇，定年號為令和。

老婆係前外交官雅子，兩個人生咗個女，叫愛子內親王。

經歷

1960年2月23號，下午4時15分，皇太子明仁同皇太子妃美智子嘅大仔喺東京都千代田區皇居入面嘅宮內廳醫院出世。當時德仁親王喺皇居入面由倉庫改成嘅宮內廳醫院的產房出世。當時的太子妃美智子喺有咗嗰陣，想畀自己啲仔女同日本嘅普通家庭一樣喺當地醫療機構生，她提出喺東京都中央區聖路加國際醫院分娩的意願，儘管向宮內廳不斷的爭取，宮內廳仍然決定讓她在宮內廳醫院生產，而非在民間醫院生產，因此德仁親王曾經調侃自己「出生在城河內的穀倉裡」。由於當時宮內廳知道皇太子夫婦為咗生育需要，於是宮內廳就將皇居內的穀倉改裝成為宮內廳醫院嘅設施，由東京大學名譽教授同婦產科醫生小林隆負責接生，於是德仁親王就喺啱啱起好嘅宮內廳醫院出世，然後佢嘅出世便打破以往在皇宮內設置「御産殿」嘅先例，於是成為第一位喺醫院出世嘅皇族成員，其後他的弟弟文仁和妹妹清子亦都喺宮內廳醫院出生。作為日本戰後第一個誕生嘅内廷皇族，而吸引日本國民嘅關注。

同年2月29號進行命名儀式，由爺爺昭和天皇命名為「浩宮徳仁」。幼稱「浩宮」出自四書中嘅《中庸》第32章「浩浩其天」，而名字「德仁」就同樣來自此書「苟不固聰明聖知達天德者」。

媽咪美智子曾經係天主教徒，因嫁入皇室而改宗神道教。

某日，德仁發現一條古代道路遺跡，就此迷戀於交通運輸嘅歷史，也以此為題獲得歷史學學士與碩士學位。佢後來曾經話：「從我童年開始就對道路有著熱切的興趣。喺道路上，你可以走向未知嘅世界。或許可以這麼說，既然我過著一種沒有機會自由外出行動的生活，那麼道路就是一種走向未知世界的珍貴橋樑。」

德仁的父親明仁曾經喺墨爾本有過美好的經歷，因而鼓勵德仁到墨爾本增廣見聞，1974年8月，14歲嘅德仁被送去澳洲墨爾本嘅寄宿家庭，當時寄宿家庭主人係商人柯林·哈普（Colin Harper）。

德仁喺皇太子時期擔任日本赤十字社名譽副總裁，學習院大學歷史館客座研究員。

年表

• 1960年2月23號，下午4時15分，皇太子明仁同太子妃美智子嘅大仔喺東京皇居宮內廳醫院出世，為昭和天皇之皇孫。
• 1964年10月29號，進行「着袴之儀」。
• 1980年2月23號， 成年式（20歲，皇居宮殿春秋之間）。
• 1982年3月，畢業自學習院大學文學部史學科（文學士）。

同年4月，進入學習院大學大學院。攻讀歷史學、中世紀交通同流通史。

• 1983年到1985年，進入英國牛津大學墨頓學院，研究泰晤士河水路運輸史。
• 1988年，讀完學習院大學院大學院人文研究科博士前期課程（人文科學碩士）。
• 1989年1月7號，老豆明仁親王即位，而喺事實上成為新嘅皇太子（皇位第一順位繼承人，法定推定繼承人）。
• 1991年2月23號，被冊立為皇太子（31歲，皇居宮殿松之間），並被授予「壺切御劍」（皇居宮殿表御座所鳳凰之間）。
• 1993年1月19號，皇室會議宣布，小和田雅子内定為皇太子妃。

同年4月12號，喺小和田邸進行納采儀式。

同年6月9號，結婚典禮（宮中三殿賢所）。

• 2001年12月1號，獨女敬宮愛子内親王誕生。
• 2019年5月1號，即位第126代天皇，同年10月22號，喺東京皇居舉行即位大典。

圖片庫

• 
  快將一歲的德仁親王（1961年2月）
• 
  1991年2月23日， 被冊立為皇太子
• 
  2008年6月出訪巴西
• 
  2011年11月，不丹皇室到訪
• 
  2014年4月，美國總統奧巴馬到訪
• 
  2015年2月，威廉王子到訪
• 
  2018年3月出訪巴西
• 
  2018年3月，會見巴西總統米歇爾·特梅爾
• 
  2019年5月，美國總統特朗普到訪
• 
  2019年5月
• 
  2019年10月22日，於即位禮