蛋白質

肌球蛋白結構圖

蛋白質，係一種複雜嘅有機化合物，化學上又寫做朊。

蛋白質係由氨基酸分子串成一串咁排列形成，而氨基酸排嘅次序，係按基因而定。除咗遺傳密碼所編碼嘅廿種『標準』氨基酸之外，響蛋白質度，某啲氨基酸殘基，重可以經翻譯後修飾，而造成化學結構變化，從而啟動或調控蛋白質。幾個蛋白質黐埋一齊，會形成穩定嘅蛋白質複合物，發揮某一特定功能。

蛋白質係所有生物必要嘅組成成分，幾乎細胞所有活動，佢都有份。例如酶，係最常見嘅蛋白質，專門催化生物化學反應，促進生物體嘅代謝。又例如肌肉中嘅肌動蛋白同肌球蛋白，以及細胞骨架中嘅微管蛋白。

因此，蛋白質係人類不可或缺，之不過，人類要食嘢來吸收，咁係因為動物自己冇能力合成晒，所有必需氨基酸。

蛋白質呢個概念，最早係由瑞典化學家永斯•貝采利烏斯喺1838年提出，但當時嘅認識只係好皮毛。1926年，詹姆斯•B•薩姆納揭示尿素酶係蛋白質，第一次證明咗酶係蛋白質。