鐘

  呢篇文講睇時間嘅鐘。想搵第二個意思嘅話，請睇鐘 (搞清楚)。

鐘

火車站嘅鐘

鐘亦都叫時鐘，係用來計算時間嘅架生。以前唔少鐘都會出聲報吓時，所以就叫做鐘。不過而家好多鐘都唔使報時，齋畀人睇時間。西洋鐘有時有分嘅行針鐘面，14世紀已經有。

史

古代

原始人單憑風雲色變、太陽光度就可以判斷時間。古埃及發現影子長度會跟著時間改變，所以發明日晷，有陽光就用到。佢哋重發現水流動有固定時間，又發明水鐘。古代中國人亦識得用水計時，名叫銅壺滴漏。

除水流計時法，中國古代民間亦有利用燃香計量法。龍舟報時更香就利用燒香儀器計時，重有鬧鐘作用。龍舟上掛幾條兩面綁著金屬球狀幼線，線下放燃香。每隔一段時間，香就會燒斷一條線，當金屬球跌落盛器，就會發出報時響鬧。燒香時計最早宋代就有記載。用更香來計算時間精度差，但係簡易，極之普及民間。據文獻記載有種香更可燒成晚，甚至一個月。

近代

公元1657年，惠更斯發現鐘擺頻率可以計時用，就發明第一個擺鐘。1670年英國人William Clement發明錨形擒縱器。

公元1797年，美國人伊萊·泰利獲得一個專利權同鐘有關，佢被後人視為美國鐘錶業始祖。

公元1840年，英國鐘錶匠亞歷山大·貝恩發明電鐘。

公元1946年，美國物理學家伊西多·拉比博士搞清楚原子鐘原理。兩年後，創造世界第一座原子鐘，至今都係第一先進鐘。佢運轉係借助銫、氫原子天然振動而完成，可以準確運轉300年。

18到19世紀，鐘錶製造業逐步實行工業化生產。

20世紀，開始進入石英化時期。

21世紀，根據原子鐘原理而研製、能夠自動對時嘅電波鐘錶技術逐漸成熟。

文化

嚮華人社會送鐘就好少見，因為喺中文「送終」唔好意頭。

相關

戴晌手腕上面嘅鐘要叫做「手錶」或者「錶」。

可以校來指定時間，提示人夠鐘嘅鐘，叫鬧鐘。

睇埋

• 萬年曆
• 秒錶
• 自鳴鐘