5 nāi-bí chè-têng

Pòaⁿ-tō-thé chong-tì chè-chō
MOSFET scaling (process nodes)
010 µm – 1971 nî 006 µm – 1974 nî 003 µm – 1977 nî  1.5 µm – 1981 nî 001 µm – 1984 nî 800 nm – 1987 nî 600 nm – 1990 nî 350 nm – 1993 nî 250 nm – 1996 nî 180 nm – 1999 nî 130 nm – 2001 nî 090 nm – 2003 nî 065 nm – 2005 nî 045 nm – 2007 nî 032 nm – 2009 nî 022 nm – 2012 nî 014 nm – 2014 nî 010 nm – 2016 nî 007 nm – 2018 nî 005 nm – 2020 nî
Bī-lâi 003 nm – ~2022 nî

5 nāi-bí chè-têng (Eng-gí: 5 nm process) sī pòaⁿ-tō-thé chè-chō chè-têng ê chi̍t ê chúi-pêng. Tī pòaⁿ-tō-thé khì-kiāⁿ chè-chō tiong, Kok-chè Khì-kiāⁿ kap Hē-thóng Lō͘-sòaⁿ Tô͘ kā 5 nāi-bí kang-gē tēng-gī chò 7 nāi-bí āu ê MOSFET ki-su̍t chat-tiám. Siong-iōng 5 nāi-bí chè-têng ki-î kū-iú FinFET ê to-cha̍h-ke̍k tiān-cheng-thé (MuGFET) ki-su̍t. Iáu-koh ū í-keng chèng-bêng ê 5 nāi-bí GAAFET ki-su̍t, m̄-koh iáu-bōe siong-gia̍p-hòa. 2020 nî chho͘, Sam-seng Tiān-chú kap Tâi-chek-tiān í-keng khai-sí 5 nāi-bí chè-têng ê iú-hān hong-hiám chhì-sán, koh kè-ōe tī 2020 nî té khai-sí phoe-liōng seng-sán. 2020 nî 9 goe̍h 15, iû Tâi-chek-tiān chè-chō ê Apple A14 Bionic chiâⁿ-chò tē-it ê kong-khai hoat-piáu ê 5 nāi-bí chè-têng cheng-phìⁿ.