Thó-lūn:Genève Kong-iok
Guā-māu
日內瓦公約
[kái goân-sí-bé]日內瓦公約(英文:Geneva Conventions)是屬佇國際法的四个條約所組成的,制定的地場是佇瑞士的日內瓦(Genève),這四个條約攏佮人道議題有底代,瑞士人杜南(Henri Dunant)看著1859年索非里諾戰爭(Battle of Solferino)的殘忍了後,自按呢開始催捒著簽署這个公約。
四个條約裡有規定見若簽署的國家,攏著佇(人因)國內制定法律,共違反日內瓦公約的人當做罪犯來處罰。
公約的內容列t踮下跤:
- 第一日內瓦公約"為著欲改善戰場頂懸著傷佮破病的武裝人員的狀況" (1864年頭一擺簽約,1949年上尾一擺修改),這个條約是欲改善佇戰鬥的中間著傷的人,基本的伊要求戰場裡的醫療著幫贊攏總著著傷的人,毋是干焦(人因)仝爿的人。
- 第二日內瓦公約"為著欲改善佇海裏著傷、破病佮船破的武裝人員的狀況" (因為1907年對海牙(Den Haag)公約X的斟酌討論,1949年頭一擺簽約),伊的內容佮第一公約相(相同)仔相(相同),總是伊是針對佇海裡的戰鬥。
- 第三日內瓦公約"關係對待俘虜" (佇1929年簽署,1949年上尾擺修改),這个公約規定俘虜也有特定的權利。
- 第四日內瓦公約"關係戰爭的時對民間人的保護" (根據1907年海牙(Den Haag)公約IV的這部份,佇1949年制定),凡若有戰爭的時,無參與佇戰爭的人((人因)叫做"民間人",英文: civilian)著佇某一寡手路下跤受著保護,公約內底有講著愛按怎做。
除去頂懸的條約,日內瓦公約閣有三个附加的協議:
- 協議一(1977年): 附加佇1949年8月12日內瓦公約的協議,關係保護國際武裝衝突的受害者,這个條約是講起佇衝突佮戰爭中間著按怎對待受害者。
- 協議二(1977年): 附加佇1949年8月12日內瓦公約的協議,關係保護非國際武裝衝突的受害者,也就是內戰的受害者。
- 協議三(2005年): 附加佇1949年8月12日內瓦公約的協議,關係採用附加的判認記認,也就是用紅水晶代表赤十字通避開宗教的含義。
佇第一公約簽署了後,1863年國際赤十字會就成立矣。
這四个公約佇1949年攏有做確認佮通過,一个修改,有一部份是共1907年海牙公約的關聯加入去,一般是共這四个公約敆起來叫做"1949年的日內瓦公約",或者是就簡省講"日內瓦公約",上尾擺簽署閣開會的時,嘛有共禁止某一款戰鬥的手路加入去條約裡,另外嘛提去內戰的議題,今通世界欲200个國家差不多攏是日內瓦公約的簽署國。
別的網站
[kái goân-sí-bé]- 日內瓦公約佮附加協議的簽署國
- 赤十字佮日內瓦公約
- 公約的文字內容 來源: ICRC 1949 Conventions and 1977 Protocols 來源: Society of Professional Journalists
- 日內瓦公約的參考紹介
- 聯合國人權高頂委員會 - 國際人權的資源
- Law-Ref.org 所公布的日內瓦公約 - 有引摘佮和別的文件的連結。
- 日內瓦公約的簽署國(法語文件) — 瑞士是現此時的的條約受託者, 約其略60个國際條約佮逐个條約的簽署國的名單 (法語),另外有資料庫。
- 英文版的日內瓦公約受託者報告(.PDF) Advocacy & Intelligence Index For POWs-MIAs Archives 對瑞士檔案製作的。