Limburgs

Limburgs taelgebied. Opmerkienge: feitelijk loôpt 't Limburgs vedder in Duutsland deur. De grenze verschil noga per diffinitie; ziet ok d'n tekst

't Limburgs is 'n streektaele op de hrenze van 't Neder- en Middelfrankisch taelhebied die a hesproken wort in zuudoôstelijk Nederland (vurral Nederlands Limburg), noordoôstelijk België (vurral Belgisch Limburg) en 'n gebied in Duutsland. 't Limburgs wor inesloot'n deur 't Braebants in 't wessen, 't Kleverlands in 't noôrn en 't Ripuarisch in 't zuudoôssen.

Anspraek op taele te zien

't Limburgs maekt anspraek op de staotus van aparte taele: in Nederland is 't van 1997 erkend as streektaele, in Wallonië wort 't as "Frankisch" in eên hroep erkend mie 't Ripuarisch en Luxemburgs. De Limburgse dialect'n, die-an onder mekaore vreêd vee verschilln, vertoône groôte verwantschap mie 't Duuts en èn ok kenmerke die an binne de (West-)Germaonse taelen aors nie vokomme.

Classificaotie

't Limburgs oôr zoas bieni aolle Europese taelen toet de femielje van de Indo-Europese taelen, dinae bie de Germaonse taelen en as lessen de Nederfrankische taelen. Zie ieronder de indeêlienge:

• Indo-Europese taelen
  • Germaonse taelen
    • West-Germaonse taelen
      • Nederfrankisch/Middelfrankisch (verschil per rehio)
        • Oôstnederfrankisch/Westelijk Maes-Rienlans (verschil per rehio)
          • Limburgs/Nederrijns (verschil per rehio)

Belangriekste dialect'n

• 't Dialect van Maastricht (Mestreechs)
• 't Dialect van Montfort (Mofers)
• 't Dialect van Sittard (Zittesj)
• 't Dialect van Roermond (Remunjs)
• 't Dialect van Venlo (Venloos): eihelik hin Limburgs, maer Kleverlands (Braebants).
• 't Dialect van Weert (Weerts)
• 't Dialect van Hasselt (Hessels)

Lienks nae buten

• Wiktionary in 't Limburgs

Wikipedia

Deze taele ei d'r eigen Wikipedia. Bezoek de Limburgse variante.