מוזיי
מוזײ אדער מוזעאום איז א אויסשטעלונג פון אלטע היסטארישע זאכן ווי עס ציט יערליך מיליאנען באזוכער וועלעכע ווילען כאפן א בליק אויף די פארגאנגענהייט אין ווי אזוי עס האט אויסגעזען דאס לעבען פון אמאל.
פון די באקאנטע מוזעאום'ס זענען די האלאקאסט מוזעאום און וואשינגטאן די נאטירליכע היסטאריע מוזעאום און ניו יארק און די גוגענהיים אינטערנאציאנאל מוזעאום אין די בריטישע מוזיי אין לאנדאן.
היסטאריע מוזעאום
היסטאריע מוזעאום איז אן אנזאמלונג פון פארשידענע היסטארישע זאכן וועלעכע טוט פרעזענטירן א פארגאנגענהייט. ווי און יעדע שטאט אדער לאנד וועט מען טרעפן די מוזעאום וואס טוט פרעזענטירען די היסטאריע פון יענעם שטאט/לאנד און ווי אזוי מען האט געלעבט און יענע לאנד און די אמאליגע יארן.
אזוי אויך וועט מען טרעפן און יעדע לאנד א מוזעאום וואס טוט פרעזענטירן א געוויסע היסטאריע פון אלטע פארשידענע אינטערעסאנטע זאכן ווי למשל א טראנספארטציע מוזעאום, שיף מוזעאום, אדער פון ספעצילע עטיקס/פאלק. אידישע מוזעאום, להבדיל אינדיאנע מוזעאום, אויך פין פארשידענע זאכן אינעם לאנד ווי א פאליציי מוזעאום א פייער מוזעאום. צומאל מאכן די מוזעאום'ס א ספעצילע אויסשטעלונג וואס ציט אסאך באזיכער.
א היסטאריע מוזעאום קען אויך זיין א געוויסע פלאץ ווי א הויז ווי עס האט געוויונט א געוויסע פערזענליכקייט אדער א געוויסע פלאץ ווי עס איז פארגעקומען א גרויסע געשעניש וועלעכע איז פארוואנדעלט געווארען אין א מוזעאום.
אויך איז דא היסטאריע מוזעאום פון א געוויסע געשעניש, טראגעדיע, א.ד.ג. ווי די האלאקאוסט מוזעאום אין וואשינגטאן אדער יד ושם אין ארץ ישראל.
מאלונגען מוזעאום
א מאלונג מוזעאום אדער ווי עס ווערט אנגעריפען א אַרט מוזעאום איז א זאמלונג פון מאלערייען, אויל פעינטינגס פון הינדערטער יארען פין גרויסע באוויסטע מעלער אין פארשידענע בילדער אין עס ציט יערליך מיליאנען באזיכער.
אין ניו יארק איז דא באוויסטע מוזעאום פון מאלערייען אין מאנהעטען די מעטראפאליטען מוזעאום אוו אַרט און ברוקלין די ברוקלין מוזעאום אוו אַרט אזוי אויך און קווינס.
און בריטאניע (ענגלאנד) איז דא די גרעסטע און עלסטע אַרט מוזעאום אין לאנדאן די בריטיש מוזעאום וואס איז שוין איבער 250 יאר אין דארט איז באוויסט מיט די מערסטע היסטארישע מאלערייען וואס האט נישט קיין אפשאצונג און איז ווערד ביליאנען.
נאטור מוזעאום
א נאטור מוזעאום באשטייט געווענליך פון די נאטור היסטאריע פון די וועלט פון געוויסע וואקסונגען און באשעפענישען, בהמות אין חיות, און פארשידענע נאטור.
אויך ווייזען זיי דארטן די היסטאריע פון די וועלט וואס איז נישט אין איינקלאנג מיט די אידישע היסטאריע וואס האלט אז די וועלט איז געווען פיסט אין ליידיג פאר 6 טויזענט יאר צוריק.
פון די גרעסטע אין מערסטע באקאנסטע נאטור מוזעאום געפינט זיך און מאנהעטען ניו יארק ביי סענטראל פארק די מוזיעם אפ נעטרואל היסטארי.
מלחמה מוזעאום
איז א מוזעאום וואס יעדע לאנד טוט אויסשטעלן זייערע היסטאריע און מלחמות וואס די לענדער זענען אדורך במשך זייערע עקזיסטענץ.
און אויך טיט מען אויסשטעלן אלע זייערע כלי זיין וואס אמאל האט דאס געמיינט א פאנטצער מיט א שווערד און א שפיז אבער אין די מאדערנעזירטע וועלט טיט מען שוין אויסשטעלן מלחמה טאנקען מיט ערעפלאנען און יעדע לאנד וויל מיט דעם ווייזן זייער כוח ועוצם ידי.
פארשידענע מוזעאום
אזוי אויך איז דא פארשידענע אינטערעסאנטע מוזעאום'ס וועלכע ציט אסאך באזיכער.
איינע פון די איז די פרעזידענט מוזעאום.
און אמעריקע איז איינגעפירט אז יעדע פרעזידענט וואס ענדיג דינען זיין אמט שטעלט זיך אויף א פרעזידענט מוזעאום אדער ווי מען ריפט דאס א פרעזידענטליכע לייברערי ווי זיי טוען דארט אויסשטעלן זייערע דאקומענטן און פילמס און סתם חפצים פון זייערע פיר צו אכט יאר וואס זיי האבן געדינט אלץ פרעזידענט. און געוויסע פרעזידענט טיען אפילו זיך לאזן דארט בייערדיגן נאך זייער טויט. די לעצטער וואס האט דאס געטוען איז געווען די רעפובליקאנער פרעזידענט ראנעלד רעיגען תש"מ-תשמ"ח וועלעכער איז געווארן באערדיגט ביי זיין פרעזידענטליכע מוזעאום אין סיליקאן וועלי קאליפארניע.