ჸალაიბონი

ონანგერა. ჭითა ჭურჭული ონანგერაშ ჟინპიჯის წჷმარინუანს, წვანე ღოზი — ახრა გიოლაფუშ მარშრუტის

ჸალაიბონი — ქჷნდჷრიშ ვარდა გვალაშ მასივიშ გინაულარო მოხუჯური არძაშე დაბალი აბანი. წჷმარინუანს გაშ დადაბალებას, ნამუთ ონინალჷ ართი პუნქტშე (სამანგ., ლეხერშე) მაჟირა პუნქტშა (სამანგ., მეძობელ ლეხერშა) გინულას. ჸალაიბონს შილებე გინმიშას: ოკურჩხალე, ოავტომობილე დო ოშა-გოშათ ორკინაშარე რზალეფი. ოკურჩხალეს ორხველჷ ოზაპანე დო ოჯოლუ რზალეფი. თაშნეშე გიშმურს ცალფა შარა.

ჸალაიბონს შხირას ოურდუმე რზალეფი ხოლო გჷნმურს. თეჯგურა ჸალაიბონეფი ჯგირო რე გიშაკვათილი საქორთუოს. სამანგ., ჯვარიშ ჸალაიბონი, ვარდა ქლუხორიშ ჸალაიბონი. მაართას გინმურს საქორთუოშ ოურდუმე რზა, მაჟირას — სოხუმიშ ოურდუმე რზა. ოურდუმე სტრატეგიაშო ჟირხოლო ჸალაიბონი შანულამი რე.

კლიმატური პიჯალეფშე გიშნაველი, გიშმართჷნა მიარეწანურ დო სეზონური ქიმინჯალეფიშ ჸალაიბონეფს. სიმაღალა გოთანჯილი რე ქჷნდჷრეფიშ სიმაღალეწკჷმა, სამანგ., ურალს ჸალაიბონეფიშ სიმაღალა ხვალე 400 მ-შახ რე, ალპეფს – 4000 მ-შახ, ჰიმალაის – 5500 მ-შახ.

გალერეა

სენ-ბერნარი
ბრენერი
სიმპლონი
ფოტუ-ლა
ბარა-ლაჩა ლა
ნათუ-ლა

თაშნეშე ქოძირით

რესურსეფი ინტერნეტის

შეგილებუნა ქოძირათ მედიაფაილეფი თემაშე „ჸალაიბონი“ ვიკიოწკარუეს.

ლიტერატურა

ქორთული სხუნუეფიშ ენციკლოპედია, ტ. 10, ხს. 193, ქართი, 1986 წანა.
საქართველოს სსრ გეოგრაფიული საზოგადოების შრომები, ტ. V. თბ., 1959;
Геологический словарь, т2, М-Я., М. 1955;
Пармурзин Ю.П., Карпов Г.В. Словарь по физической географии. Учебное издание. М.: Просвещение, 1994;
Целесообразность пересмотра существующих представлений о палеогеографических условиях ледникового времени на Кавказе. Тб., 1956;

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.