Reala F Ligako laugarren postuan dago, Athletic Clubekin berdinduta. Elene Lete atezainak ez dio mugarik ikusten talde honi, baina partidaz partida joan behar dela adierazi du. Berarekin hitz egin dugu taldearen egungo egoerari buruz.

Eduardo Coudetek, Alaveseko entrenatzaileak, taldearen egoeraren inguruan hitz egin du. Gironaren aurkako partida gogorra izango dela ere aipatu du. Besteak beste, irabazteko grina duela adierazi du.

Mallorcak Espainiako Superkopako bigarren finalerdia jokatuko du Real Madrilen kontra urtarrilaren 9an. Jagoba Arrasate da Balearretako taldearen entrenatzailea. EITB Mediak Yiddara (Saudi Arabia) joan diren Mallorcaren zaleekin hitz egin du euskal teknikariari buruz duten iritzia ezagutzeko.

Iñaki Williams Athleticeko jokalariak Kirol Kontseilu Nagusiak (KKN) Bartzelonari Dani Olmo eta Pau Victor inskribatzeko emandako kautelazko neurrie buruz hitz egin du. Barçak bi jokalariak inskribatu ahalko ditu LaLigaren eta Espainiako Futbol Federazioaren araudiak urratu dituen arren.

Athleticeko erdilari gasteiztarra bigarren zatian zelairatu du Ernesto Valverdek, eta, partidan sartu bezain laster, jaurtiketa ona egin du, eta gertu izan du gola.

Realeko jokalariak, asteazkenean, Errege Kopako zozketaren emaitza izan du aztergai; final zortzirenetan, talde txuri-urdinak Rayo Vallecanoren kontra jokatuko du, Reale Arenan.

Jesus Owono Alaveseko atezainak prentsaurrekoan hitz egin du. Sivera lesionatuta dago, eta Owonok ordezkatuko du. Girona izango da Gasteizko taldearen hurrengo aurkaria urtarrilaren 11n, eta atezaina gogotsu dago.

Athleticek Espainiako Superkopako finalaurreko partida jokatuko du asteazken honetan, Bartzelonaren kontra. Athleticzale gutxik egin ahal izan dute bidaia, baina pozik eta gogotsu daude.

Asier Illarramendi Mutrikun da, bere herrian, AEBko FC Dallasekin denboraldia amaitu ostean. EITB Mediarekin hitz egin du bere etorkizunari buruz, eta Dallasen jarraitzea nahi duela aitortu du. Reala ere izan du mintzagai, eta talde txui-urdina nola ikusten duen komentatu digu.

Athleticek lansaioa egin du Bartzelonaren kontra Espainiako Superkopako finalerdia jokatu bezperan. Nico Williamsen parte-hartzea zalantzan dago Barçaren aurkako lehiarako´kontusioa duelako ezker orkatilan. Horrez gain, Sancet eta Gorosabel ez dira taldelanean aritu.

Athleticeko entrenatzaileak eta kapitainak, prentsaurrekoan, Jiddan, nabarmendu dute Bartzelonak, alegia, talde zuri-gorriak Superkopako finalerdian izango duen aurkariak, maila oso handia duela. Partida Jiddan jokatuko dute, Saudi Arabian.

Mikel Jauregizar Athleticeko jokalariak EITB Mediarekin hitz egin du talde zuri-gorriak Bartzelonaren aurka Espainiako Superkopako finalerdia jokatu bezperan. Gogotsu azaldu da Bermeokoa.

Mikel Gonzalez Athleticeko kirol zuzendariak neguko merkatuan taldetik irten daitezkeen jokalariei buruz hitz egin du. Alex Padilla, Ander Herrera eta Nico Serrano futbolarien etorkizuna izan du hizpide. (adierazpenak gaztelaniaz)

Jon Uriarte Athleticeko presidenteak prentsaurrekoa eskaini du Saudi Arabian, talde zuri-gorriak Bartzelonaren aurka jokatuko duen Espainiako Superkopako finalerdiaren bezperan. Dani Olmoren inskripzioa izan du mintzagai, eta Superkopako diru-banaketaz kexatu da.

Athleticeko atezaina Mexikorantz atera da goizean, Pumas taldean utzita jokatuko baitu, bilbotarrek utzita. Erabakia ofizial egingo dute ondorengo orduetan.

Athleticeko 27 jokalarik egin dute bidaia Arabiara, asteazken honetan Superkopako partida jokatzeko. Lehen taldeko futbolariez gain, Mikel Santos eta Peio Canales Bilbao Athleticeko jokalariek bat egin dute taldearekin.

Irene Paredes Bartzelonako atzelari legazpiarra Zubietara itzuli zen igandean, Realaren kontrako partida jokatzera. Pozik agertu zen futbolaria, garaipenagatik eta Donostian egoteagatik.

Reala Errege Kopako fonal-zortzirenetara sailkatu da, Ponferradina 0 eta 2 kaleratuta. Donostiarren golak Mikel Oyarzabalek eta Brais Mendezek egin dituzte.

Beñat Turrientes Realeko jokalariak Ponferradinaren aurka Kopan lortutako garaipenaz (0-2) hitz egin du. Pozik azaldu da final-zortzirenetara pasatzeagatik, txapelketako formatuak dakarren zailtasuna azpimarratuz.

Jagoba Arrasate Osasunako entrenatzaile ohiak euskararen aldeko bertsoa bota zuen Pello Reparazen Zetak taldeak Nafarroa Arenan esakini zuen "Mitoaroa" kontzertu-ikuskizunean.

Athleticek penaltietara arte borrokatu behar izan du Logroñesen aurka larunbat honetan, Errege Kopako final-hamaseirenetan, garaipena eskuratu eta txapelketan aurrera egiteko (0-0; 3-4). Ikusi hemen partidako laburpena eta golak.

Ernesto Valverde Athleticeko entrenatzaileak UD Logroñesen aurka penaltietan lortutako garaipenaz hitz egin du. Aurkariak partida bikaina egin duela eta penaltietan zoriak irribarre egin diela adierazi du (adierazpenak gaztelaniaz).