委內瑞拉歷史

委內瑞拉个歷史主要是指1522年西班牙人殖民到今个一系列歷史事件。1811年委內瑞拉脫離西班牙獨立，是南美洲各國最早脫離西班牙獨立个國家。

哥倫布到來之前个委內瑞拉

委內瑞拉曾經是印第安人加勒比人搭阿拉瓦克族个居住地，哥倫布來到美洲之前，委內瑞拉大約有1百萬人口。

西班牙个統治

1498年，哥倫布沿着委內瑞拉个東海岸航行，箇是渠人生四次航行个第三次，也是唯一一次到達南美大陸个航行。之後，西班牙探險隊回到箇里，利用當地人採集珍珠、貝殼資源。1522年，西班牙拉乃朝个委內瑞拉境內建立南美洲个第一個殖民地新卡地茲。1717年新格拉納達總督轄區成立，委內瑞拉地區被劃為渠个下个一省。

委內瑞拉个獨立

1808年西班牙拉拿破崙戰爭陷入困境个消息很快傳入加拉加斯，但直到1810年4月19號，加拉加斯市議會才決定跟隨西班牙本土各省个行動。1811年7月5號，委內瑞拉地區十個省當中个七個，宣布加入獨立行動。由於1812年委內瑞拉地震托獨立戰爭个影響，「委內瑞拉第一共和」旋即以失敗告終。

1813年，拉西蒙·玻利瓦爾个帶領下，第二共和國成立。1819年12月17號，安哥斯度拉（今玻利瓦爾城）國會宣布大哥倫比亞共和國獨立，經過西蒙·玻利瓦爾挨些獨立運動者个努力，兩年後，大哥倫比亞共和國終於正式得到西班牙承認而完全獨立。

當時委內瑞拉托哥倫比亞、巴拿馬托厄瓜多等國一樣，儕是大哥倫比亞共和國部分領土。1830年，委內瑞拉獨立建國，大哥倫比亞共和國也宣告瓦解。

19世紀上葉一強人掌權

19世紀有很長个一段辰光，委內瑞拉个政局由軍事強人主導，知名且重要个掌權者有：何塞·安東尼奧·派斯（主要為1829年到1847年）、安東尼奧·古斯曼布蘭科（1870年到1887年）搭西普里亞諾·卡斯特羅（1899年到1908年）等。

委內瑞拉國成立

1830年，玻利瓦爾逝世後，委內瑞拉宣布脫離大哥倫比亞獨立。1831年派斯就任委內瑞拉國總統，1838搭1843年又連續當選總統。拉渠執政期間，經濟搭國內許多軍事派系个互相拉鋸，來自內部个威脅使得派斯幾乎沒機會處理委內瑞拉與別樣國家之間托戰爭有關个外交，因為委內瑞拉只有小型軍事力量，主要職能是維持國內秩序，委內瑞拉國家債台高築，1849年被政變推翻。佩德羅·夸爾·埃斯坎東 (Pedro Gual Escandón)以臨時總統个姿態上台，埃斯坎東成立「委內瑞拉共和國（República de Venezuela）」 。

建立共和

委內瑞拉共和國（República de Venezuela）雖然成立，但實際仍然是寡頭政治，國家權利掌握拉執政者，混亂个經濟更成為致命傷，拉此期間委內瑞拉經濟个擴張是基於委內瑞拉國家个債務，拉兩年後被朱利安·卡斯楚·康特雷拉斯發動政變拉下台，康特雷拉斯組成軍政府，控制委內瑞拉共和國，繼續實施強人執政，委內瑞拉个奴隸制拉1854年被廢除，但混亂个國家給了流亡个派斯機會，返回委內瑞拉策劃政變，拉保守黨支持下發動政變，重新奪取政權，但渠仍然使用強人掌權，最終導致了內戰發生。

19世紀中葉一軍閥割據

最終拉1859年爆發長達五年个戰爭,箇場戰爭最終由法爾孔率領个軍隊獲勝，共和國被推翻，法爾孔訂立聯邦制度个憲法，宣布建立「委內瑞拉合眾國(Estados Unidos de Venezuela)」 。聯邦制度个中央政府無法約束，最終產生軍閥割據，安東尼奧·古斯曼布蘭科（1870年到1887年）搭西普里亞諾·卡斯特羅（1899年到1908年）等。

20世紀上葉一軍閥政權

19世紀中後期到20世紀前半期，委內瑞拉个政治長期弗穩定，弗但政治鬥爭激烈，也長期淪入軍事強人獨裁統治个局面。著名个獨裁統治者有胡安·比森特·戈麥斯（1908年到1935年）、洛佩斯·孔特雷拉斯搭麥地挨·安加里塔（1935年到1945）搭艾爾·特里安尼歐·阿戴柯（1945年到1948年）等人。

20世紀後半一民主改革

軍人出身个國防部長馬科斯·佩雷斯·希門內斯發動政變，拉1952年以軍方勢力干預个方式擔任臨時總統，而後推翻了委內瑞拉合眾國（Estados Unidos de Venezuela ：1864–1953)，拉次年建立乃朝个委內瑞拉共和國（República Bolivariana de Venezuela)，渠拉1953年成為總統，實施軍事高壓統治，1958年1月被政變後，佩雷斯·希門尼斯逃往美國，1958年軍人獨裁總統馬科斯·佩雷斯·希門內斯被推翻後，民主運動个興起最終迫使軍方停止干預國政。挨年起，由投票產生个民主政府取代了軍事執政。羅慕洛·貝坦科爾特當選為總統。20世紀90年代，卡洛斯·安德烈斯·佩雷斯總統進行許多改革。

21世紀一現狀

1998年烏戈·查維斯第一次當選，成為委內瑞拉總統。2013年查維斯因癌病去世，結束14年个統治。2013年4月14號，尼古拉斯·馬杜羅當選委內瑞拉總統。

尼古拉斯·馬杜羅執政期間通貨膨脹高企，國內相繼爆發委內瑞拉危機搭委內瑞拉總統地位危機。