劍橋
劍橋（Cambridge，舊譯康橋[1]），英國英格蘭東區域劍橋郡个城市、自治市鎮-非儕市區，是英國歷史最悠久个大學城。劍橋建立拉康河之上，拉倫敦以北約八十公里。二零一一年英國人口普查顯示渠个有人口約十二萬四千人，其中約二萬五千人為學生。有考古學證據顯示早拉青銅器時代劍橋已有人聚居，後拉羅馬搭維京時期成為了重要个貿易中心。十二世紀皇家特許狀授畀劍橋城鎮个地位，但渠乃朝城市个地拉垃一九五一年才被正式授畀。
世界知名个劍橋大學一二零九年創立拉劍橋。大學个建築包括國王學院禮拜堂、卡文迪許實驗室搭劍橋大學圖書館。劍橋大學圖書館是世上最大个法定送存圖書館之一。劍橋个天際線主要是幾個大學學院个建築，也包含聖母暨英格蘭殉道聖人堂个尖塔、阿登布魯克醫院个煙囪搭聖約翰學院禮拜堂个尖塔。安格里亞魯斯金大學个主要校址也拉垃劍橋，此大學演變自劍橋藝術學院（Cambridge School of Art）搭劍橋郡科藝學院（Cambridgeshire College of Arts and Technology）。劍橋也是所謂矽沼地（Silicon Fen）个中心，渠个包含諸如軟件搭生物科學等等各種高科技產業搭各樣劍橋大學間接帶動个新創企業。多拉四成个劍橋勞動人口擁有高等教學學位，此為國家平均个兩倍。世上最大个生物醫學研究集中地之一個劍橋生物醫學園區（Cambridge Biomedical Campus），也即拿成為阿斯利康製藥搭柏特沃斯醫院（Papworth Hospital）新址个所拉地。
劍橋个帕克公園（Parker's Piece）是世上第一場現代足球比賽个舉行地點。劍橋个仲夏公地（Midsummer Common）為仲夏遊樂會（Midsummer Fairs）搭有稱為草莓遊樂會（Strawberry Fair）个音樂藝術節之所拉地。一年一度个劍橋啤酒節舉行拉耶穌綠地（Jesus Green）。劍橋拉M11搭A14公路之旁，而劍橋火車站距離倫敦國王十字車站弗足一小時車程。
拉劍橋，除了劍橋大學建築之外，還有商店、公園、茶藝館，以搭代表劍橋現代化一面个百貨公司，商店搭運動設施。康河上可以泛舟，拉劍橋可以參加音樂會或步行到郊外欣賞幽美景色，也可以搭劍橋居民一樣，享受騎腳踏車个樂趣。