Paul-Henri Thomsin
![](http://upload.wikimedia.org/wikipedia/wa/f/ff/Thomsin.jpg)
Paul-Henri Thomsin a skepyî e 1948. C' est on scrijheu e walon do payis d' Lidje.
Il a stî relî dins l' Antolodjeye Scrire.
Ouve pol walon
[candjî | candjî l’ côde wiki]I ratourna bråmint des bindes d' imådjes.
Tot fén seu, il eplaida ås «Noer Dessén» on live e francès avou des fråzes et ratourneures e walon: L' amour a môde di Lidje (2002).
![](http://upload.wikimedia.org/wikipedia/wa/4/45/Thomsin1.jpg)
![](http://upload.wikimedia.org/wikipedia/wa/8/83/Thomsin2.jpg)
![](http://upload.wikimedia.org/wikipedia/wa/a/ad/Thomsin3.jpg)
Mins si mwaisse ouve, c' est ses biyets di totes les samwinnes dins li ptite gazete Vlan (1992-2011), ene coirnêye ki s' lome «Vlan avå lès vôyes».
Tot cåzant del såjhon et des fiesses, i mostere ene bele apriyesse do walon, et ene grande sinsiûlisté. I rascoya, po ça, li pris del Veye di Lidje e 1997.
Il a eto ratourné des fåves da Lafontinne.
Sacwants lives da På-Hinri Thomsin
[candjî | candjî l’ côde wiki]- Ratournaedjes di bindes d' imådjes
- Letes di m' molén (1984).
- Maigret et l' danseuse d' å Gaiy-Molén (1994).
- Li ptit boudtchike (1996).
- Walonreye, tere di ledjindes (2001).
- Natacha: Ene wadjeure di sôlêye (2006).
- Astérix amon lès Bèljes (2022).
- Lives francès et walon:
- L' amour a môde di Lidje (2002).
Li walon avå les voyes
[candjî | candjî l’ côde wiki]E moes d' decimbe 2004, Paul-Henri Thomsin eplaida li pus ptit live måy imprimé e walon, veyanmint k' i n' est ki 5 cm hôt : «Li walon avå les voyes». End a fwait 10.000 k' ont stî dnés tot avå martchî d' Noyé a Lidje.
![](http://upload.wikimedia.org/wikipedia/commons/thumb/0/03/Li_walon_ava_l%C3%A8s_v%C3%B4yes_N%C2%B03_Couverture.jpg/220px-Li_walon_ava_l%C3%A8s_v%C3%B4yes_N%C2%B03_Couverture.jpg)
(avou ene regue po l' muzurer)
L' atuze diswalpêye, c' esteut kel walon esteut on bea cado ki nos avans-st avou d' nos tåyes, et k' lyi faleut rinde li statut d' bistoke. Po s' fé buskinter sifwaitmint, les djins ont corou après come ci n' est nén possibe. Li stok a stî spoujhî so 15 djoûs.
Gn a yeu ene deujhinme pu ene troejhinme modêye.
Après çoula, i nd a replaidî on sfwait avou les ratourneures sol santé. On l' dinéve po rén dins les ospitås d' Lidje.