Djivå

djivå avou deus bondius et totes sôres d' ôtes agayons

Li djivå ou cimådje, c' est l' ecådrumint d' bwès del tchiminêye divins les måjhons did dinltins, ådzeu do feu e l' aisse, djusse dizo l' plafond. Si prumî role, c' est d' sotni li hote del tchiminêye. Mins elle a divnou ene mwaisse ahesse pol gåyotaedje del måjhon (plaece ki sierveut d' coujhene at s' såle a magnî).

Discrijhaedje

Li boket metou di livea si lome li plantche, plantchete ou tåvlete di djivå.

Li boket metou d' climpe si lome li mantea.

Uzaedjes classikes

Li djivå permeteut di fé rintrer li foumire pal tchiminêye.

Adon, on pleut mete totes sôres d' agayons dsu. Les prumîs, cwand on-z abaguéve, c' esteut li bondiu, les tchandlés, li lamponete, li brocalî et l' årmonak.

Après l' guere di 14, on-z a voltî metou des obus d' keuve, rischurés a tinzayeure, po muchyî sacwants cayets (brocales, djeu d' cwåte, cartoxhes).

Pindou å djivå, gn a ene sitofe : li gordene, ou rabat, ou rabatea ou drap di tchminêye.

• 
  gordene di stofe
• 
  rabatea d' balatom
• 
  djivå å lådje gåyoté mantea

Reployaedje dins les måjhons sins feu e l' aisse

On-z a voltî wårdé li hôt djivå cwand on-z a metou ene sitouve, ou rmaçné li meur do feu e l' aisse.

Ou adon, on-z a rfwait on bas djivå, mins avou l' minme idêye d' î stamper des wårniteures.

• 
  Djivå avou des coks, sins stouve
• 
  bas djivå avou des obus d' keuve