Diclaråcion des droets des djins po tos les payis do monde

Eleanor Roosevelt & Declaråcion univiersele des droets del djin (1949)

Li diclaråcion univiersele des droets del djin , c' est on tecse di rclamaedje k' a stî accepté di l' Assimblêye djeneråle di l' ONU li 10 di decimbe 1948, pal voye do decidaedje (rezolucion) 217 A (III).

Ele esplike les pondants et les djondants des abondroets des djins, ki dvrént valeur po tos tchamps payis.

Pitchote a midjote, il a stî accepté dins bråmint des payis, et î divni sourdant po les lwès nåcionåles. Portant, sacwants payis s' ont ene miete houwé evoye del diclaråcion, tot djhant k' ele ni rprezinte k' ene avuzion des abondroets des djins dins l' Monde coûtchantrece. Metans, les payis di l' OCI, k' ont riscrît on tecse rashiou so l' islam e 1990.

Li diclaråcion univiersele des droets del djin a stî ratournêye dins ene cåkêye di lingaedjes, inte did zels li walon.

Istwere des modêyes e walon

Li prumire modêye a stî fwaite pa ene djin do payis d' Hu.

Il a stî rmetou e lidjwès pa Charles Josserand.

Ces deus modêyes la sont rsintowes pa bråmint des waloneus come rifrancijheyes pår. Avou toplin des calcaedjes do francès. Minme li mot «djin», est replaecî på mot «ome», çou ki wait dire, tot baltant, ki les femes n' ont nou droet ladvins.

Il a stî rashiou e rfondou walon pa Lorint Hendschel eyet Pablo Sarachaga et eplaidî so l' Aberteke.

Hårdêyes difoûtrinnes

Sacwantès modêyes e walon :

• Prumî ratournaedje da Tchåle Djosran (avou l' accint do Payis d' Lidje)
• Ratournaedje da Guy Fontinne, Maurice Jachim et Alex Snysters (todi avou l' minme accint)
• Riscrijhaedje da Lorint Hendschel (e rfondou walon) (so l' Aberteke)

Citåcion d' on boket do tecse

• Kiminçmint do tecse walon, sol waibe des ptits lingaedjes d' Urope
• Rimetaedje do tecse Djosran avou l' accint del Viye Såm (pa Djôzef Dokir