Sluus (stad)
Sluus (Nederlands: Sluis) is e stadje en gemêente in de Ollandsche provinsje Zêeland, in Zêeuws-Vloandern. De toale da' ze doa klapp'n is in feite e West-Vlams dialect, moa 't wordt ook dikkes Zêeuws genoemd.
Sluus wos in de joarn '60 en '70 surtoe gekend voe ze seksboetieksjes, moa dat toerisme is stief verminderd oewel dat er nog alsan van die wienkeltjes zin. Nu is 't e rustig stadje mè wienkelstratjes en veel groen.
Veel West-Vloamiengn goan nu en ton noa Sluus achter homeopatische en andere nateurproduct'n.
Den Damsche Voart, die begint in Brugge, komt toe in Sluus.
Bekende inweuners va Sluus
- Johan Hendrik van Dale, woordenboekenmoakre
- Emile Buysse, schriever, loater uutgeweken noa Brugge