Meirel

Dit artikel es geschreevn in 't Ypers, en da zou best ozô bluuvn.

---

Meireloare
E meireloare up e tuuntoafel E meireloare up e tuuntoafel
Taxonomische indêlienge
Domein: Eukaryootn Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Passeriformes (Zangveugels) Familie: Turdidae (Listers en tapuutn) Geslacht: Turdus
Sorte
Turdus merula Carolus Linnaeus, 1758

E meireloare, merelaar, mereloan of meirel is e zangveugel uut de famille van de Lysters (Turdidae). De noame komt van 't Latynse wôord voe meireloare, merula.

Vôornkomn

Uutzicht

De man van e meireloare is ossan zwort med en orajen bek en e gilvn oogriengel. 't Is e redelik grôotn veugel, oengeveer 25 cm lank en anze nunder vlerken oopn doen, kommn ze an e klêne 40 cm. Ze kun vuuf joar oed kommn.

't Wuuf (de puppe) is noois zwort, z'is bruunachtig, mo doenkerder dan lysters. Neurn bek is idder gilf of bruun.

De joengn en idder e grysdn bek.

't Wuvetje

Verspreidienge

Meireloars komn overol in Europa vôorn, zest up Ysland, mo doa zyn ze zeldzoam. Buutn Europa leevn ze in Nieuw-Zêeland en Oostraalje, woa danze inevoerd zyn. 't Es en sorte die vele vôornkomt in West-Vloandern, oendermêer oek in de menschn nunder ovetjes. Over hêel Vloandern is 't 'n veugel die in 't mêeste aantal ovetjes zit (vogens de veugeltellienge van 2006 van Natuurpunt).

Teetn

Z'eetn olles, mo ze zyn setoe ekend deurdanze spriengn in 't ges om trilliengn te moakn en ezo tettienks no boovn te lokkn.

Kapotte slekuuzn zyn mêestol va lysters.

Z'en e slichte noame omdanze geirn kriekn eetn. An nandern kant zyn mereloars oek ekend omdan de mêeste menschn viendn danze schône kunn schufeln.