23 de setenbre

El 23 de setenbre el ze el 266° dì dal scumìsio de l'ano drio del całendàrio gregorian e el 267° inte i ani bizesti. Par rivar al cao de l'ano ghe vołe oncora 99 dì.

El Sołe el entra inte el segno astrołòzego de ła Bałansa.

Avegnimenti

• 1122 – El gnen stipulà el Concordà de Worms che el finałiza a ła Lota par łe investiture
• 1459 – Bataja de Blore Heath. Prima granda bataja de ła Guera de łe du roze
• 1642 – Primi test de amision par i scołari a l'Università de Harvard
• 1779 – La USS Bonhomme Richard, comandada da John Paul Jones, ła vinse na bataja contro de łe nave da guera britàneghe HMS Serapis e Countess of Scarborough arente de ła costa ingleze
• 1780 – John André el vien inprezonà cofà spia da soldai americani
• 1803 – Ìndia: bataja de Assaye
• 1806 – Meriwether Lewis e William Clark i torna dopo gaver esplorà el Pasìfego nord-osidentałe
• 1845 – El Knickerbocker Baseball Club, prima scuadra profesionìstega de baseball, ła vien fondà a New York, scuadra che ła zugarà ła prima partia ufisalmente reconosesta inte el 19 de zugno del 1846 contro dei New York Nine, i cuałi i vinsarà 23-1 in cuatro inning.
• 1846 – Urbain Jean Joseph Le Verrier e John Couch Adams i descuerze Netun (astronomia). Ła descuerta ła sarà verifegada da Johann Gottfried Galle
• 1868 – Porto Rico el declara l'indipendensa da ła Spagna; ła rebejon ła vegnarà parò co fasiłità reprimesta dal goerno spagnoło
• 1884 – Herman Hollerith el breveta ła so adisionatora mecànega

• 1889 – La Nintendo ła vien fondada a Kyoto da Yamauchi Fusajiro.
• 1910 – Jorge Chavez Dartnell el fa ła prima trasvołada de łe Alpe, da Briga Marìtema a Domodossola (Itàlia), drento de un Blériot XI
• 1922 – L'ato de costrusion del porto marin de Gdynia el vien aprovà dal parlamento połaco
• 1932 – El Regno de l'Hegiaz e del Neged el vien rebatezà Regno de l'Aràbia Saudia
• 1943 – Seconda guera mondiałe: ła nase ufisalmente ła Repùblega de Sałò e Benito Mussolini el torna in Itàlia, a Meldola
• 1973 – Juan Domingo Perón el torna da novo al podere in Arzentina col 62% de łe votasion in so favor.
• 1983 – Saint Kitts e Nevis ła entra inte łe Nasion Unie
• 1991 – L'Armènia (declarada indipendente finmente da l'agosto del 1990) ła divien ufisalmente na nasion indipendente
• 1999 – La NASA ła anunsa de gaver perdesto i contati col Mars Climate Orbiter
• 2002 – El nase Mozilla Firefox (Phoenix) version 0.1
• 2008 – Lansamento del primo sistema oparadivo Android par tełèfono intełijente, el Android 1.0 Apple Pie.
• 2011 – Un team de sercadori del Large Hadron Collider (Lhc) del CERN de Zinevra e del Laboratòrio nasionałe del Gran Saso (LNGS) el anunsa, inte el contesto de l'esperimento OPERA, de gaver rinlevà, inte un faso de neutrini, na vełosità pì alta de cueła là de ła luze.

Nasesti

• 1943 Julio Iglesias, cantante spagnoło
• 1956 Paolo Rossi, xugadore de bałon italian

Feste e recorense

Internasionałi

• Dì Internasionałe contro el desfrutamento Sesuałe e ła Trata de Persone
• Dì Internasionałe de ła Bisesuałità
• Dì Internasionałe de łe Léngue dei Segni

Nasionałi

• Arabia Saudìa: Dì Nasionałe
• Arzentina:
  • Dì de łe Biblioteche Popołari
  • Dì Nasionałe dei Deriti Pulìteghi de ła Dona
  • Dì Nasionałe del Połitòlogo
• Bołìvia: Dì Nasionałe de ła Popołasion Afroboliviana
• Brunei: Dì del Maestro
• Kirghìzistan: Dì de ła łéngua Kirghiza
• Łituània: Dì Comemorativo de l'Ołocàusto

In altri projeti

Altri progetti

• Wikimedia Commons

• Wikimedia Commons el detien imàjini o altri file so 23 de setenbre