Oʻzbekiston xalqaro islom akademiyasi

Oʻzbekiston xalqaro islom akademiyasi (Toshkent Islom Universiteti negizida. 2018-yil 16-apreldan)

Xalqaro nomi	International Islamic Academy of Uzbekistan
Turi	Akademiya
Asos solingan sanasi	2018
Rektori	Uyg‘un Gʻofurov
Talabalari	1800
Manzili	Abdulla Qodiriy koʻchasi 11, Toshkent shahri, Oʻzbekiston
Veb-sayti	www.iiau.uz

Oʻzbekiston xalqaro islom akademiyasi (avvalgi nomi Toshkent islom universiteti) – Oʻzbekiston Respublikasi Vazirlar Mahkamasi qoshidagi oliy taʼlim muassasasi.

Tarixi

binosi

Oʻzbekiston Respublikasi Prezidentining 2018-yil 16-apreldagi „Diniy maʼrifiy soha faoliyatini tubdan takomillashtirish chora-tadbirlari toʻgʻrisida“gi PF-5416sonli Farmoniga muvofiq, Toshkent islom universiteti va Oʻzbekiston islom akademiyasi negizida Oʻzbekiston xalqaro islom akademiyasi tashkil etildi.

Akademiya fakultetlari va kafedralari:

• Islomshunoslik fakulteti
  • "Islom tarixi va manbashunosligi IRCICA“ kafedrasi
  • "Dinshunoslik va jahon dinlarini qiyosiy oʻrganish UNESCO" kafedrasi;
  • "Islom sivilizatsiyasini oʻrganish ISESCO“ kafedrasi
• Mumtoz sharq filologiyasi fakulteti:
  • "Arab tili va adabiyoti Al-Azhar" kafedrasi;
  • "Oʻzbek tili va mumtoz sharq adabiyoti“ kafedrasi;
  • "Chet tillari“ kafedrasi;
  • "Din psixologiyasi va pedagogika" kafedrasi.
• Islom iqtisodiyoti va xalqaro munosabatlar fakulteti:
  • "Xalqaro munosabatlar va ijtimoiy fanlar" kafedrasi;
  • "Islom iqtisodiyoti va moliyasi, ziyorat turizmi" kafedrasi;
  • "Zamonaviy axborot-kommunikatsiya texnologiyalari" kafedrasi.

Taʼlim yoʻnalishlari

• Milliy gʻoya, maʼnaviyat asoslari va huquq taʼlimi
• Tarix (Islom tarixi va manbashunosligi)
• Jahon iqtisodiyoti va xalqaro iqtisodiy munosabatlar
• Informatika va axborot texnologiyalari
• Axborot xavfsizligini boshqarish
• Kompyuter injiniringi („Kompyuter injiniringi“, „AT-Servis“, „Axborot xavfsizligi“, „Multimedia texnologiyalari“)
• Dinshunoslik
• Psixologiya (Din sotsiopsixologiyasi)
• Filologiya va tillarni oʻqitish (sharq tillari boʻyicha)
• Filologiya va tillarni oʻqitish (mumtoz tillar boʻyicha)
• Xalqaro munosabatlar
• Islomshunoslik
• Islom iqtisodiyoti va moliyasi
• Turizm (Ziyorat turizmi)
• Xorijiy mamlakatlar iqtisodiyoti va mamlakatshunoslik (musulmon mamlakatlari)
• Dinshunoslik
• Psixologiya (Din psixologiyasi)
• Tarix (islom sivilizatsiyasi)
• Qur’onshunoslik
• Hadisshunoslik
• Islom huquqi
• Aqida, kalom ilmi va aqidaviy taʼlimotlar
• Islom tarixi va manbashunosligi
• Turizm (ziyorat turizmi tashkil etish va boshqarish)
• Xalqaro munosabatlar va zamonaviy siyosiy jarayonlar
• Islom iqtisodiyoti va moliyasi
• Mumtoz filologiya (faoliyat turlari)
• Xorijiy mamlakatlar iqtisodiyoti va mamlakatshunoslik
• Qiyosiy dinshunoslik
• Ijtimoiy tizim va jarayonlarning axborot va psixologik xavfsizligi
• Lingvistika (arab tili)

Akademiyaning asosiy vazifalari

Mutaxassisliklari boʻyicha bakalavrlar va magistrlar, shuningdek, ushbu sohada tadqiqotlar olib boruvchi ilmiy va ilmiy-pedagog kadrlarni diniy (Qur’on ilmlari, hadisi sharif, islom huquqi, aqida, tasavvuf, islom iqtisodiyoti va moliyasi, islom tarixi, manbashunosligi va falsafasi, dinshunoslik) va dunyoviy (xalqaro munosabatlar, xorijiy tillar, ziyorat turizmi hamda mumtoz sharq adabiyoti) taʼlim yoʻnalishlari boʻyicha tayyorlash; respublikadagi barcha islom taʼlim muassasalari faoliyatini oʻquv-meyoriy va oʻquv-uslubiy jihatdan taʼminlash hamda muvofiqlashtirish; islom dinining asl mohiyatini va insoniyatni ezgulikka eltuvchi din ekanligini ilmiy asoslangan holda teran oʻrganish hamda targʻib etish; – kadrlar tayyorlash jarayoniga mutaxassislar va oʻqituvchilarni jalb qilish orqali ilm-fan hamda taʼlimning oʻzaro integratsiyasini chuqurlashtirish; oʻqitishning zamonaviy uslub va metodlari, axborot-kommunikatsiya texnologiyalarini oʻquv jarayoniga keng joriy etish asosida taʼlim sifatini oshirish; ilmiy tadqiqotlar natijalari boʻyicha diniy-maʼrifiy, maʼnaviy-axloqiy yoʻnalishlardagi ilmiy, ilmiy-ommabop adabiyotlarni tayyorlash va nashr qilish, shuningdek, Internet tarmogʻida taʼlim resurslarini yaratish va muntazam yangilab borish; islom olamida yuzaga keladigan dolzarb masalalar, zamonaviy siyosiy jarayonlarga oid ilmiy-amaliy anjumanlar oʻtkazish; Oʻzbekiston Respublikasida faoliyat olib borayotgan va xorijiy oliy diniy taʼlim muassasalari hamda boshqa tashkilotlar bilan yaqindan hamkorlik qilish; malakali xorijiy mutaxassislarni taʼlim jarayoniga jalb qilish, shuningdek, Akademiya mutaxassislarini nufuzli xorijiy oliy diniy va ilmiy taʼlim muassasalariga malaka oshirish hamda tajriba orttirish uchun yuborish, talabalarning akademik almashinuvini yoʻlga qoʻyish.

Akademiyaning tarkibiy qismlari

• Imom Moturidiy xalqaro ilmiy-tadqiqot markazi

Rektorlar

• Hamidulla Karomatov (1999-2003)
• Zuhriddin Husniddinov (2003-2006)
• Shuhrat Yovqochev (2006-2007)
• Ravshan Abdullayev (2007-2018)
• Neʼmatulla Ibrohimov (2018-2018)
• Shuhrat Yovqochev (2018-2019)
• Rustam Qosimov (2019-2021)
• Muzaffar Komilov (2021-2023)
• Uyg‘un Gʻofurov (2023-bugunga qadar)