Jump to content

Илҳом Зайлобиддинов

From Vikipediya
Илҳом Зайлабетдинов
Таваллуди 1975-йил 30-май
Қирғизистон
Фуқаролиги Қирғизистон
Касби футболчи
Мукофотлари Қирғизистон чемпионатида кумуш медал
Қирғизистон чемпионатида бронза медал
Қирғизистон кубогида олтин медал

Илҳом Зайлобиддинов[1] (1975-йил 30-май) — қирғизистонлик футболчи, ҳимоячи. Қирғизистон терма жамоасида ўйнаган. 1996-йилда Қирғизистоннинг энг яхши футболчиси деб топилган.

Биографияси

[edit | edit source]

Илҳом Зайлобиддинов 1975-йилнинг 30-май санасида Қирғизистонда таваллуд топган.

Клублардаги карераси

[edit | edit source]

Зайлабетдинов катта спортни 1992-йилда „Семетей“ (Қизил-Қия) клубида бошлаган бўлиб, ушбу клуб таркибида тўрт мавсум давомида Қирғизистон чемпионатида 80 дан ортиқ ўйин ўтказган. Мамлакат чемпионатининг кумуш (1994) ва бронза (1995) медаллари совриндори, Қирғизистон кубоги соҳиби (1995) бўлган.

1996-йилда „Семетей“ нинг бир қанча ўйинчилари ва клуб мураббийи билан биргаликда „Металлург“ (Қадамжой) клубига ўтади ва ушбу клуб таркибида Қирғизистон чемпиони ва мамлакат кубоги финалчисига айланади. Мавсум якунида Зайлабетдинов Қирғизистоннинг энг яхши футболчиси сифатида эътироф этилади.

Кейинчалик бир неча йил О'збекистон қуйи лигасида ўйинларини давом эттиради. 2002-йилда Ўзбекистон чемпионати — Суперлига баҳсларида „Қўқон 1912“ клуби таркибида, кейинги йили эса „Сементчи“ жамоалари сафида тўп суради.

2005-йилда Зайлабетдинов Қирғизистонга қайтиб келади ва у ерда „Жаштик-Ак-Алтин“ жамоасида ўйнайди, икки карра миллий чемпионатнинг бронза медали совриндори ва Қирғизистон кубогининг икки карра финалчисига айланади. 2006-йилги мавсум ўйинларида яна Ўзбекистоннинг „Сементчи“ клуби сафида биринчи лига баҳсларида ўз ўйинларини ўтказади.

Жамоавий карераси

[edit | edit source]

1996-йил 24-январда Саудия Арабистонига қарши кечган ўйинда Зайлобиддинов Қирғизистон миллий терма жамоасида ўзининг дебют ўйинини амалга оширади[2]. Икки кундан сўнг футболчи Яманга қарши кечган ўйинда майдонга туширилади. Шундан кейин Зайлобиддинов терма жамоа сафидаги футболчилик фаолиятини тўхтатади.

Мураббийлик карераси

[edit | edit source]

Зайлобиддинов футболчилик фаолиятини якунлагач, Ўзбекистоннинг „Сементчи“ жамоаси мураббийлар штабида иш бошлайди[3][4]. 2018-йилдан бошлаб Фарғонанинг „Нефтчи“ клубида жисмоний тайёргарлик бўйича мураббий бўлиб фаолият олиб боради.

2019-йилдан бошлаб Зайлобиддинов „Сементчи“ клубида фаолиятини давом эттиради. Клубда C даражадаги мураббийлик лицензиясига эга Абдумалик Ҳакимов билан биргаликда бош мураббий бўлиб хизмат қилади[5]. 2021-йилги мавсумда Яйпаннинг "Турон" жамоаси мураббийлар штабида фаолият олиб борди[6].

Шахсий ҳаёт

[edit | edit source]

Тошкентнинг "Локомотив" жамоаси ҳимоячиси Ислом Қобилов Илҳом Зайлобиддиновнинг о'г'лидир.

Манбалар

[edit | edit source]
  1. ↑ Также встречаэця написаниэ Зайлабитдинов, Зайлобиддинов
  2. ↑ „Саудовская Аравия 3 : 0 Киргизия“. 2019-йил 22-февралда асл нусхадан архивланган. Қаралди: 2019-йил 21-феврал.
  3. ↑ „Биринчи лига иштирокчиси Қувасойнинг «Cементчи» жамоаси мавсум бошланиши олдидан тақдимот маросимини о’тказди“. 2019-йил 22-февралда асл нусхадан архивланган. Қаралди: 2019-йил 21-феврал.
  4. ↑ „Илҳом Зайлобиддинов: “Цементчи”нинг олдинги мавқеини тикламоқчимиз”“. 25 янв 2015 17:46да асл нусхадан архивланган.
  5. ↑ „Илҳом Зайлобиддинов: "Cементчи"нинг олдинги мавқеини тикламоқчимиз"“. 2019-йил 22-февралда асл нусхадан архивланган. Қаралди: 2019-йил 21-феврал.
  6. ↑ „Илҳом Зайлобиддинов "Турон" мураббийлар штабида иш бошлади“. 2021-йил 3-мартда асл нусхадан архивланган. Қаралди: 2023-йил 23-октябр.

Ҳаволалар

[edit | edit source]
Retrieved from "https://uz.wikipedia.org/w/index.php?title=Ilhom_Zaylobiddinov&oldid=5338411"