Ӟозлуд-Какся

Ӟозлуд-Какся (ӟуч Зяглуд-Какся) — вашкала удмурт гурт, Удмурт Элькунлэн Вавож ёросаз пыре. Интыяськемын Вавож ёрослэн уйпал но шунды ӝужан висказ, Вавож черкогуртлэсь 20, Ижкарлэсь 95 иськеме. Ува ёросэн бускелъяське. Али гуртын 5 урам, 105 юрт но 350 тросгес улӥсьёсыз лыдъясько.

Гурт кылдэмын XVIII дауре. Гурт нимлэн кылдэмез сярысь таӵе веранъёс вань:

Выль улон инты утчаса, татчы вуиллям Какся выжыысь удмуртъёс, соослы кельшем шулдыр но трос ошмесо инты: гудӟыса курадӟоно ӧвӧл — Инмар ачиз ву сётэ. Тапалан трос ӟозъёс вылиллям. Озьы пуксиллям выль интые.

Вань кыкетӥез но веран: азьло вакытэ татын трос пӧйшуръёс вылӥллям. Туръёсты но пумитаны луылӥз. Ӟязи пӧйшурась та интылы синмаськем. Ошмес дуре тылыс ӝутэм.

2000 арын гуртын шедьтэмын ватос(70 килограмм ыргон коньдон).

Татын ортчиз «Артана» фестиваль но «Сэр но тур» симпозиум.

Али гуртын школа, нылпи сад, библиотека, почта, 2 вузкаронни вань.