Newfoundland at Labrador
Newfoundland at Labrador Newfoundland and Labrador Terre-Neuve-et-Labrador | |||
---|---|---|---|
lalawigan ng Canada | |||
![]() | |||
| |||
![]() | |||
![]() | |||
Mga koordinado: 53°N 60°W / 53°N 60°W | |||
Bansa | ![]() | ||
Lokasyon | Canada | ||
Itinatag | 31 Marso 1949 | ||
Kabisera | St. John's | ||
Pamahalaan | |||
• monarch of Canada | Charles III | ||
• Premier of Newfoundland and Labrador | Andrew Furey | ||
Lawak | |||
• Kabuuan | 405,212 km2 (156,453 milya kuwadrado) | ||
Populasyon (1 Oktubre 2017)[1] | |||
• Kabuuan | 528,430 | ||
• Kapal | 1.3/km2 (3.4/milya kuwadrado) | ||
Kodigo ng ISO 3166 | CA-NL | ||
Wika | Ingles | ||
Websayt | https://www.gov.nl.ca/ |
Ang Newfoundland at Labrador o Terranova at Labrador (Ingles: Ang Terranova ay Newfoundland, literal na "Bagong Tagpong Lupain", ngunit ang Terranova ay maaaring "Bagong Lupain" lamang; samantalang ang Labrador ay literal na "May-ari ng Lupain" o kaya "Nag-aararo" o "Nagsasaka"; may kodigong postal na NL), ay isang lalawigan ng Canada na matatagpuan sa baybaying Atlantiko ng bansa. Ito ang pinakasilanganing lalawigan ng Canada na binubuo ng dalawang pangunahing bahagi: ang isla ng Newfoundland na malapit sa silangang baybayin ng bansa at ng Labrador na nasa punong-lupain sa may hilagang-kanluran naman ng isla. Katabi nito ang Quebec sa kanluran.
Ito ay isang dating kolonya ng Britanya at matapos ay naging ika-sampung lalawigan ng Canada, nang ito ay sumali sa kumpederasyon noong 31 Marso 1949 bilang Newfoundland. Mula noong 1964, binansagan ng pamahalaang panlalawigan nito ang sarili bilang Pamahalaan ng Newfoundland at Labrador, at noong 6 Disyembre 2001 isang amyenda ang isinigawa sa Konstitusyon ng Canada upang palitan ang opisyal na pangalan ng lalawigan upang maging Newfoundland at Labrador. Gayumpaman, nakasanayan pa ring tawagin ng karamihan ng mga Canadiano bilang Newfoundland ang lalawigan, at Labrador ang bahagi ng lalawigan sa punong-lupain.
Tinatayang may 508,990 ang populasyon ng lalawigan noong Enero 2009. Humigit-kumulang 94 porsiyento ng populasyon ng lalawigan ay nakatira sa isla ng Newfoundland at mga karatig pulo nito. Ang isla ng Newfoundland ay may mga sariling diyalekto ng mga wikang Ingles, Pranses at Irlandes. Ang diyalektong Ingles naman sa Labrador ay halintulad din sa Newfoundland. May sarili naman itong diyalekto ng mga wikang Innu-aimun at Inuktitut. Ang St. John's ang kabisera ng lalawigan.
Etimolohiya
[baguhin | baguhin ang wikitext]Ang pangalang Newfoundland, katulad ng pagkakabanggit sa pambungad, ay hango sa salitang Ingles na literal na nangangahulugang "bagong tagpong lupain" (isang pagsasalin mula sa Lating Terra Nova); ang Labrador naman ay nagmula sa Portuges na lavrador, isang titulo na nangangahulugang "may-ari ng lupa" o "taga-araro," isang titulo na hinawakan ng Portuges na manggagalugad ng rehiyon na si Joao Fernandes Lavrador.