Estasyon ng Libertad

Libertad
Sistema ng Light Rail Transit ng Maynila
Estasyong Libertad
Pangkalahatang Impormasyon
Lokasyon	Kanto ng Abenida Taft at Abenida Arnaiz, Brgy. Santa Clara, Pasay
Pagmamayari ni/ng	Kagawaran ng Transportasyon (DOTr) Pangasiwaan ng Light Rail Transit (LRTA)
Linya	Unang Linya ng LRT
Plataporma	Mga plataporma sa gilid
Riles	2
Konstruksiyon
Uri ng estruktura	Nakaangat
Ibang impormasyon
Kodigo	LI
Kasaysayan
Nagbukas	Disyembre 1, 1984
Serbisyo
Huling estasyon   Manila LRT   Susunod na estasyon Gil Puyat patungong Fernando Poe Jr. Line 1 EDSA patungong Baclaran

Ang Estasyong Libertad ng LRT (na kilala rin bilang Estasyong Antonio Arnaiz ng LRT, o sa payak na ngalan, Estasyong Arnaiz) ay isang estasyon sa Sistema ng Light Rail Transit ng Maynila (LRT-1). Katulad ng iba pang mga estasyon ng LRT-1, nakaangat sa lupa ang estasyong Libertad. Matatagpuan ito sa kanto ng Abenida Taft at Abenida Arnaiz sa Lungsod ng Pasay. Ipinangalan ang estasyon mula sa dating pangalan ng bahaging Pasay ng Abenida Arnaiz, ang Calle Libertad. Ang pangalang Libertad naman ay mula sa salitang Kastila ng "kalayaan". Nanatili ang pangalang "Libertad" bilang pangalan ng pook na kinaroroonan ng estasyon.

Nagsisilbi bilang panlabing-walong estasyon ang estasyong Libertad para sa mga treng LRT-1 na patungo sa Baclaran at pangatlong estasyon para sa mga treng patungo sa Roosevelt. Isa ang Libertad sa mga apat na estasyon ng LRT na naglilingkod sa Lungsod ng Pasay, ang iba pa ay Gil Puyat, EDSA at Baclaran.

Mga kalapit na palatandaang pook

Tanawin mula sa Estasyong Libertad.

Malapit sa estasyon ang Victory Pasay Mall, Masagana Citimall at Pamilihan ng Libertad. Malapit din ang St. Mary's Academy – Pasay, Pamantasan ng Lungsod ng Pasay, Pasay Chung Hua Academy at Philippine School for the Deaf. Ang mga pook na may-kalayuan at matatagpuan sa Bulebar Roxas, subalit nasa paligid pa rin ng estasyon, ay gusali ng Kagawaran ng Ugnayang Panlabas, Annex ng Embahada ng Estados Unidos, Embahada ng Hapon, Cuneta Astrodome, Asian Institute of Maritime Studies at HK Sun Plaza.

Mga kawing pangpanlalakbay

May mga terminal ng bus para sa ilang mga linya ng bus malapit sa estasyon, at humihinto ang mga dyipni, taksi at traysikel sa estasyon at paligid nito. Subalit humihinto rin ang mga bus malapit sa estasyon, para sa mga riding bus na hindi humihinto sa mga kalapit na terminal.

Pagkakaayos ng Estasyon

L2 Mga plataporma	Platapormang pagilid, magbubukas ang mga pinto sa kanan
	Plataporma A	← Unang Linya ng LRT patungong Roosevelt
	Plataporma B	→ Unang Linya ng LRT patungong Baclaran →
	Platapormang pagilid, magbubukas ang mga pinto sa kanan
L2	Lipumpon	Mga faregate, bilihan ng tiket, sentro ng estasyon, mga tindahan, tulay papuntang Jackman Plaza Emporium
L1	Daanan	Victory Pasay Mall, Masagana Citimall, Pamilihan ng Libertad