Higashimatsushima

Higashi-Matsushima 東松島市
Lungsod
Gusaling Panlungsod ng Higashimatsushima
Watawat Sagisag
Kinaroroonan ng Higashimatsushima sa Prepektura ng Miyagi
Higashi-Matsushima
Mga koordinado: 38°25′34.5″N 141°12′37.5″E
Bansa	Hapon
Rehiyon	Tōhoku
Prepektura	Miyagi
Pamahalaan
• Alkalde	Iwao Atsumi
Lawak
• Kabuuan	101.36 km2 (39.14 milya kuwadrado)
Populasyon  (Hunyo 1, 2020)
• Kabuuan	39,580
• Kapal	390/km2 (1,000/milya kuwadrado)
Sona ng oras	UTC+9 (Pamantayang Oras ng Hapon)
- Puno	Pino
- Bulaklak	Sakura
Bilang pantawag	0225-82-1111
Adres	36-1 Kamikawado, Yamoto, Higashimatsushima-shi, Miyagi-ken 981-0503
Websayt	Opisyal na websayt (sa Hapones)

Ang Higashimatsushima o Higashi-Matsushima (東松島市, Higashimatsushima-shi), literal na "Silangang Matsushima," ay isang lungsod na matatagpuan sa Prepektura ng Miyagi, Hapon. Magmula noong 1 Hunyo 2020 (2020 -06-01), may tinatayang populasyon ito na 39,580 katao sa 16102 mga kabahayan, at daming 390 tao sa bawat kilometro kuwadrado. Ang kabuoang lawak ng lungsod ay 101.36 square kilometre (39.14 mi kuw).

Kasaysayan

Ang lugar ng kasalukuyang Higashimatsushima ay bahagi ng sinaunang Lalawigan ng Mutsu, at tinirhan na ng liping Emishi mula noong panahong Jōmon. Noong panahong Nara, napasailalim ang lugar sa kapangyarihan ng mga kolonisador mula sa dinastiyang Yamato na nakabase sa kalapit na Tagajō. Noong panahong Sengoku, pinagtatalunan ng iba-ibang mga angkang samurai ang lugar bago ito sumailalim sa kapangyarihan ng angkang Date ng Dominyong Sendai noong panahong Edo. Kasunod ng pagpapanumbalik ng Meiji, binuo sa lugar ang Distrito ng Monō, Prepektura ng Miyagi. Itinatag ang bayan ng Yamoto noong Abril 1, 1940, at noong Mayo 3, 1955 naman ang bayan ng Naruse.

Itinatag ang lungsod ng Higashimatsushima noong Abril 1, 2005, nang sinanib ang mga bayan ng Naruse at Yamato.

Lindol at tsunami noong 2011

Nabaha at gumuhong mga kabahayan sa Nobiru, Higashimatsushima, dulot ng tsunami

Ang Higashimatsushima ay matinding tinamaan ng lindol at tsunami noong Marso 11, 2011 na humantong sa hindi bababa sa 1,039 mga namatay, at ang pagkawasak ng higit sa 11,000 mga estruktura, o humigit-kumulang dalawang-katlo ng mga gusali sa lungsod. Sa kasagsagan ng pananalasa ng tsunami, inihitsa papaloob sa lungsod mula sa piyer ang Chōkai Maru, isang 45-metrong barko. Nang naganap ang sakuna, hindi pa tuluyang nakakabangon ang Higashimatsushima mula sa isang lindol noong 2003. Humigit-kumulang 63% ng lungsod ay binaha ng tsunami.

Heograpiya

Ang Higashimatsushima ay nasa silangang bahagi ng Prepektura ng Miyagi sa rehiyon ng Tōhoku ng hilagang Honshu. Kahangga ng lungsod ang Look ng Matsushima sa kanluran at ang Look ng Ishinomaki (bahagi ng Karagatang Pasipiko) sa timog. Ang baybaying-dagat nito ay bumubuong bahagi ng Pambansang Liwasan ng Sanriku Fukkō, na umaabot sa Prepektura ng Aomori sa hilaga.

Kalapit na mga munisipalidad

Prepektura ng Miyagi

• Ishinomaki
• Misato
• Matsushima

Demograpiya

Ayon sa datos ng senso sa Hapon, karamihang tumataas ang populasyon ng Higashimatsushima sa nakalipas na 40 mga taon.

Historical population

Taon	Pop.	±%
1920	19,142	—
1930	21,862	+14.2%
1940	23,423	+7.1%
1950	37,363	+59.5%
1960	33,654	−9.9%
1970	32,192	−4.3%
1980	36,865	+14.5%
1990	40,424	+9.7%
2000	43,180	+6.8%
2010	42,903	−0.6%

Ekonomiya

Ang Higashimatsushima ay nakagisnang sentro ng komersiyal na pangingisda, lalo na sa pagpapaalaga ng mga talaba, at sa turismo. Matatagpuan sa Higashimatsushima ang Palapagan ng Matsushima (Matsushima Air Field) ng Japan Air Self Defense Force.

Mga kawing panlabas

• Opisyal na websayt (sa Hapones)