Simfonija
Simfonija — (jun. symphonia – hamohangī), dar ma'noi imrūza – asar (ja'ne ba ma'noi tomaş, sonata baroi orkestr).
Ta'rix
[viroiş | edit source]Simfonija – ƶanri peşohangi musiqiji orkestrī buda, dar mijonai a.-i XVIII taşakkul joft. Dar eçodijoti kompozitoroni maktabi klassikiji Vena (I. Hajdn, V. A. Motsart, L. Betxoven) Simfonijai 4-qisma şakl girift. Asarhoi cunin tarkibdoşta, silsilai sonata-simfonija nom giriftaand. Minba'd in xususijathoi Simfonija dar eçodijoti kompozitoroni ravijai romantizm (F. Şubert) taşakkul jofta, bojtar gardid va dar eçodijoti A. Brukner, G. Maler, P. Cajkovskij idoma joftand.
Mafhumi Simfonijai barnomavī dar musiqiji klassikiji Avrupo, dar eçodijoti L. Betxoven, G. Berlioz, F. List, R. Şraus idoma jofta, pahn gardid, şakl girift. Dar dunjo kompozitoroni zijode dar ƶanri Simfonija asarhoi buzurg ofaridaand.
Simfonija dar eçodijoti kompozitori ma'rufi toçik
[viroiş | edit source]Dar Toçikiiston avvalin Simfonijaro kompozitori ma'rufi toçik Abdufattoh Odinaev soli 1964 ofaridaast. Garcande musiqiji kasbiji toçik az s.-hoi 40-umi a.-i XX ibtido megirad. Dar in samt sahmi kompozitoron S. Balasanjan, M. Svetaev, A. Lenskij va S. Urbax xele nazarras ast. Onho, bevosita dar ƶanri S. asarho eçod namudaand. Kompozitoroni çavoni toçik niz ba ƶanri Simfonija rū ovardaand: M. Atoev Simfonijai «Muboriza» (1966) va s.-i 2-jum (1967); D. Dustmuhammadov Simfonijai «Bedoriji Şarq» (1967) va Simfonijai 2-jum baroi orkestri torī va litavraho (1968). In ço mesazad Simfonijahoi Ju. Ter-Osipov va A. Solievro xotirnişon kard. Simfonijahoi 70-80 dar ruşdi musiqiji kasbiji toçik s.-hoi bobaror ba şumor meravand. Simfonijahoi F. Bahor №1 (1974), №2 (1976), №3 (1980), «Ibn Sino» (1980), «Buzurg» (1980); Simfonijahoi T. Şahidī «Toçikon» (1978), «Avisena» (1983), «Maqomot» (1984); S.-hoi Ju. Mamedov №1 (1970), №2 (1971), №3 (1980), №4 (1982) va ƣ. Simfonijahoi ba'dina niz jak zumra kompozitoroni toçik dar ƶanri Simfonija asarho eçod namudaand. Inho Z. Şahidī, T. Sattorov, P. Turobī, M. Bafoev, A. Latifzoda, K. Tuşinok, B. Pigovat va h. k. Simfonijaoi 4 -qisma bo sur'athoi zajl eçod meşavand: qismi jakum Allegro, qismi duvum Andante, qismi sejum dar şakli manuet jo skertso, qismi corum – xotima bo sur'ati Allegro vivace dar şakli rondo jo variatsija.[1]
Nigared
[viroiş | edit source] | ||||
|---|---|---|---|---|
| Farhangho va donişnomaho | ||||
| ||||
Ezoh
[viroiş | edit source]- ↑ Obidpur Ç. Luƣatnomai tafsiriji musiqī / zeri nazari B.Qobilova. – Duşanbe: Arƶang, 2019. – S.353. – 480 s. ISBN 978-999-47-43-90-2 (toç.)