Bol

Bol — uzvest, ki çonvaron ba tavassuti on parvoz va harakat mekunand.

Ba'ze bandpojho (aksari haşarot), hamai parandaho va ba'ze şirxūrho (kūrşabparak) bol dorand. Hamcunin kaltakaloshoi parroni munqariz bol doştand. Soxt va pajdoişi bol gunogun ast. Dar haşarot vazifai bolro unsuri lavhaşakl, ki az pardai purcini qismi mijona va qafoi tūş inkişof joftaast, içro mekunad. Az bol raghoi zijod meguzarand. Onho ba bol ustuvorī baxşida, baroi vorid gaştani gemolimfa, traxeja va torhoi asab zaminai musoid faroham meovarand. Boli haşarot, odatan du çuft ast. Dar haşaroti dubola tanho bolhoi peş va dar bodbezakbolho bolhoi aqib inkişof joftaand. Az rūji soxt va miqdori ragho bol tūr-tūr (mas., boli sūzanak) va pardaī (mas., dar pardabolho va rostbolho) meşavad. Bolhoi tūr-tūr serrag meboşand; bolhoi pardaī raghoi kam dorand. Dar gambuskho (saxtbolho) bolhoi peş jo boloiji muhofizatī saxt buda, dar vaqti oromī bolhoi digarro purra mepūşand. Dar ilmi sistematika (mas., dar haşarot) soxti bol alomati xele muhim ast. Bol hangomi parvoz muşakhoro ba harakat medarorad. Ba'ze haşarot dar jak soat to 1000 bor bol mezanand. Boli parandaho pojhoi peşi şaklan taƣjirjofta meboşand. Asosi bolro ustuxonhoi kift, bandi dast va anguşton taşkil medihand. Boli parandaho bo şohpar va parhoi patdor pūşida şudaand. Parhoi boli parandaho cun safolaki bompūşī boloi ham mexoband. Boli parandaho ba xususijati parvozi onho vobasta ast. Boli kūrşabparak az pūstpardae, ki dar bajni cor anguşti darozi pojhoi peş, tan va pojhoi aqib qaror dorad, iborat ast. Dar ba'ze namudhoi kūrşabparak parda qismi dumro niz faro megirad. Ba'ze mohijon va çonvaroni daraxtgard niz çihozi şabeh ba bol dorand, vale soxti on bilkul digar buda, faqat baroi çahidan ba masofai durtar imkonijat medihad.

Adabijot

• Bol // Boz — Vickut. — D. : SIEMT, 2014. — (Ensiklopedijai Milliji Toçik : [taxm. 25 ç.] / sarmuharrir N. Amirşohī ; 2011—2023, ç. 3). — ISBN 978-99947-33-46-0.